Բաց ոսկեգույն գինին ունի ինտենսիվ բույր, որն արտահայտվում է սպիտակ ծաղիկների, ցիտրուսի և վանիլի նոտաներով: Համը նրբագեղ է և շատ արտահայտիչ:

Լավ համադրվում է լանգուստինների, սոուսով ձկան և հնացված այծի պանրի հետ:

Ձեռքով բերքահավաք և տեսակավորում, որին հաջորդում է խմորումը մեծ կաղնե տակառներում և չժանգոտող պողպատե պահամաններում:

8 ամիս հնացում.  70%՝ տարբեր ծավալների ֆրանսիական կաղնե տակառներում և 30%՝ չեզոք տարաներում։

Château de Nalis-ը 400-ամյա կալվածք է, որը նախանձելի համբավ ունի Châteauneuf-du-Pape ապելասիոնում և դարձել է Գիգալ ընտանիքի մի մասը: 2017-ին Մարսելը և Ֆիլիպ Գիգալը թողարկեցին իրենց առաջին գինին: Կալվածքը կիրառել է Բորդոյի սկզբունքը՝ բերքը բաժանելով վերին կյուվեի՝ Château de Nalis Grand Cuvée-ի և «երկրորդ գինու»՝ Saint Pierre de Nalis-ի։ Կալվածքը հատկապես հայտնի է իր սպիտակ գինիներով։

Խաղողն աճում է կավե-կրաքարային և ալյուվիալ-քարքարոտ հողերի վրա: Վազերի միջին տարիքը 45 տարի է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինու գործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: Իմանալ ավելին