Այս խաղողներից ստացվում են ուժեղ և ամուր կառուցվածքով գինիներ։ Voskevaz Vintage Sireni-ն բացահայտում է թարմ և շաքարացված մրգահյութերի՝ մոշի, բալի, ազնվամորու և նռան արտահայտիչ բույրեր։ Խնամքով ձեռքով հավաքումից և մանրակրկիտ տեսակավորումից հետո խմորումը տեղի է ունեցել չժանգոտվող պողպատե տանկերում։ Այն ունի լավ հավասարակշռություն՝ հասուն, ամուր տանիններով և երկար մրգային վերջաբանով։ Այս գինին հիանալի է համադրվում բոլոր տեսակի մսերի հետ և հատկապես համեղ է բադի և որսի մսի հետ։

Պարմիջանա բադրիջանով, ապխտած միս, մուգ թռչնամիս, բադ, որսի միս, քաբաբ, գառան շոգեխաշած միս, մակարոններ լոլիկի սոուսով, պարսկական ուտեստներ, սթեյք, եղջերուի միս:

«Ոսկեվազի Գինու Գործարան»-ը գտնվում է Արագածոտնի մարզի նույնանուն գյուղում: Զարմանահրաշ գեղեցկությամբ օժտված Հայաստանում ամենաբարձր լեռան` Արագածի  մերձակայքը կրում է իր մեջ հայկական քաղաքակրթության զարգացման նախկին ժամանակաշրջանների շերտերը: Գործարանից ընդամենը մի քանի կիլոմետր հեռավորության վրա՝ Քասախի կիրճի եզրին, 5-7-րդ դարերում կառուցված «Բադալի Ժամ» եկեղեցու ավերակներն են: Մոտակայքում հայտնաբերվել են հողի մեջ թաղված կարասի մնացորդներ, որոնց մեջ գինի էին պահում:

Ոսկեվազ գինեգործարանը հիմնադրվել է դեռևս 1932 թվականին: Ժամանակակից բոլոր նորարարությունների հետ միասին այն զգուշորեն պահպանել է իր վավերական տարրերի մեծ մասը՝ ներառյալ շենքերը: Այսօր գործարանի տարածքում տարվում են բազմաթիվ շինարարական աշխատանքներ, որպեսզի ստեղծվի նոր, նմանը չունեցող, յուրօրինակ զբոսաշրջային համալիր: Գործարանն իր վերածնունդն ապրեց 2004 թվականին: Այսօր Ոսկեվազը ստեղծում է գինիներ, որոնք արտադրվում են ինչպես ժամանակակից գինեգործական մեթոդներով, այնպես էլ օգտագործելով հին ավանդական կարասները, որոնք ստեղծվել են դեռևս 19-րդ դարավերջին: Պարբերաբար բարելավելով և կատարելագործելով սեփական արտադրության որակը, ինչպես նաև յուրաքանչյուր տարի ընդլայնելով արտադրվող խմիչքի նմուշակազմը` «Ոսկեվազի Գինու Գործարան»-ը կատարում է իր յուրօրինակ ներդրումը գինիների աշխարհում: