Վիսկին սաթագույն է՝ ոսկեկարմիր երանգներով: Բույրը լի է ծաղիկների, ընկույզի, կաղնե տակառի, ծիրանի, նարնջի և մարմելադի նոտաներով: Թավշյա, ընդգրկուն, բայց միևնույն ժամանակ նուրբ համում զգալի են մրգերի, կարամելի, համեմունքների, վանիլի և կոկոսի վառ արտահայտված ելևէջներ: Հետհամը երկարատև է, բալանսավորված, քաղցրավուն՝ մրգերի, համեմունքների ու կաղնու ակնարկներով:  

Կարելի է ըմպել ինքն իրենով կամ ավելացնել մի քանի կաթիլ ջուր:  

Հնացվում է 4 տարի՝ ամերիկյան կաղնե տակառներում:

Վիսկին պատրաստվում է Միյագի և Նագանո շրջանների բարձրորակ սպիրտների կուպաժից:

Kensei-ը բարձրակարգ ճապոնական վիսկի է՝ ոգեշնչված սամուրայների հատուկ կաստայից, որոնք կրում էին Կենսեյ կատանա թրեր: Կենսեյի մարտիկների առաքելությունն էր ռազմարվեստում կատարելության հասնել: Նրանց փիլիսոփայությունն էր. «Ցանկացած բանակ ունի այն մարտիկի կարիքը, որի մասնագիտությունը հաղթանակն է»:

Kiyokawa-ն անկախ թորարան է, որի անվանումը ճապոներենից թարգմանաբար նշանակում է «մաքուր գետ»: Ընկերության արտադրանքը բացառապես քրաֆտային է։  Ինչպես Կենսեյ սամուրայները ռազմարվեստում ձգտում են կատարելության, այնպես էլ Kiyowaka-ն ստեղծել է Kensei-ը՝ կատարյալ կուպաժային վիսկի։