Աչավալ Ֆերեր, Ֆինկա Բելա Վիստա

Գինին միջին ինտենսիվության վառ ռուբինագույն է: Նուրբ համն արտահայտված է վայրի հատապտուղների, ելակի, հապալասի, անիսոնի, լակրիցայի, մանուշակի, կաշվի և բալզամիկի երանգներով: Քիմքին հավասարակշռված է, հագեցած, կլորավուն՝ մետաքսյա տեքստուրայով, գերազանց թթվայնությամբ, բարդ տանիններով, խոտաբույսային, համեմունքային և մրգային հյութալի նոտաներով ու երկարատև, կայուն, աղի հետհամով:

Գինին հիանալի համադրվում է որսի մսի, խորոված տավարի և հնացված պանիրների հետ:

Գինու փափուկ պրեսավորման գործընթացին հաջորդում է 4 օրյա խմորումը մեծ պահամաններում՝ 14-16 °C ջերմաստիճանի ներքո:

12 ամիս հնացում՝ ֆրանսիական նոր (100%) կաղնե տակառներում:

"Finca Bella Vista" թարգմանաբար նշանակում է «մետաքսյա հագուստով կին»: Էլեգանտ, անուշաբույր, հյութալի թթվայնությամբ գինի է՝ խաղողի այգում տարեկան շուրջ 11 ամիս տևող մանրակրկիտ և բծախնդիր աշխատանքի արդյունք: Այս եզակի գինին ստեղծվում է Մալբեկ խաղողի սորտից, որն աճում է Պերդրիել տարածաշրջանում, Մենդոսա գետի հարավային ափին՝ Լուժան դե Կույոյում:

Խաղողի վազերը տնկվել են ավելի քան մեկ դար առաջ՝ 1910 թվականին, այգիները գտնվում են ծովի մակարդակից 980 մետր բարձրության վրա:

Achaval Ferrer գինու երիտասարդ ընկերությունը հիմնադրվել է 1998 թվականին մի խումբ իտալացի և արգենտինացի գործընկերների կողմից, ովքեր պաշտում էին իրենց հողն ու բիզնեսը: Ընկերության հիմնական նպատակն է ստեղծել բարձրորակ, բարդ և խորը գինիներ, որոնք հնարավորինս արտացոլում են տեղական տերուարի լավագույն հատկությունները: Ընկերության խաղողի այգիները գտնվում են Մենդոզա շրջանում՝ ծովի մակարդակից 700-1000 մետր բարձրության վրա։ Achaval Ferrer-ի գինիները բարձր գնահատականների են արժանացել գինու փորձագետների և քննադատների կողմից: