Գինին խիտ ռուբինագույն է: Հարուստ համն ունի հասած կեռասի, մանրացված ազնվամորու, դարչինի և սպիտակ պղպեղի երանգներ: Բույրի մեջ զգալի են կարմիր ծաղիկների, սև մրգերի, ընկույզի նուրբ ելևէջները: 

Գինին հիանալի համադրվում է կարմիր մսի, որսի մսի, պանիրների, մակարոնեղենի հետ։

Խաղողը հավաքվում է ձեռքով, սեպտեմբերի երրորդ շաբաթում։ Խմորումը տևում է 4 շաբաթ՝ 28-30 °C վերահսկվող ջերմաստիճանում։

Գինին 18 ամիս հնացվում է 350 լիտրանոց բարիկներով և 30 հեկտոլիտրանոց սլավոնական կաղնե տակառներով։ Դրանից հետո գինին ևս 12 ամիս հնացվում է շշերի մեջ: 

Feudo Principi di Butera-ն հնագույն պատմություն ունեցող տնտեսություն է, որը ժամանակին պատկանել է Բրանչիֆորտեի և Լանզա դի Սկալեայի արիստոկրատական ​​դինաստիաներին: Ամբրոջո Բրանչիֆորտեն առաջին սիցիլիական կառավարիչն էր, որը նշանակվեց 1543 թվականին։ Իսպանիայի թագավոր Ֆիլիպ II-ը նրան շնորհել է Բուտերայի արքայազնի տիտղոս։ 1895 թվականին տիտղոսն ու հողերն անցան Ջիրոլամո Լանզային։

Ընկերության խաղողի այգիները գտնվում են Կալտանիսետա նահանգում՝ բլուրների վրա։ Տաք հարավային կլիման թույլ է տալիս աճեցնել բարձրորակ, ընտիր խաղող և ստեղծել մեծ պոտենցիալով հիանալի գինիներ: Խաղողի այգիները զբաղեցնում են 320 հա հողատարածք, որից 180 հեկտարը երիտասարդ խաղողի որթատունկերն են։

Zonin-ն աշխարհահռչակ իտալացի գինեգործների պատմական ընտանիք է, որն արդեն 7 սերունդ է զբաղվում է գինու արտադրությամբ՝ սկսած 1821 թվականից: Ընկերության գինիները ներկայացված են աշխարհի 89 երկրների շուկաներում։ Իմանալ ավելին