Նորավանք Կարմիր կիսաքաղցր

Մուգ ռուբինագույն այս գինու բուրային փունջը լի է հասուն բալի և մոշի քաղցր երանգներով, որոնք ամբողջանում են հատապտուղների և սև պղպեղի ակնարկներով։

Կարելի է համադրել մրգերի, ոչ խմորային թխվածքների և էքսպերիմենտալ քաղցր մսային ուտեստների հետ:

Խմորումն իրականացվում է դասական եղանակով՝ չժանգոտվող պողպատյա պահամաններում: Երբ մնացորդային շաքարի պարունակությունը իջնում է ցանկալի մակարդակի, խմորումը դադարեցվում է՝ պահամանի ջերմաստիճանն իջեցնելով։

«Նորավանք» գինիների շարքը՝«Մարան» գինեգործարանի առաջին թողարկումը, անվանվել է Վայոց ձորի խաղողի այգիների կողքին գտնվող 13-րդ դարի վանքի անունով։ Այս շարքի առաջին գինին թողարկվել է նորանկախ Հայաստանում, 1991 թվականին: Նորավանք շարքի գինիները հիմնականում թեթև են և չեն հնանում կաղնե տակառներում:

Աղավնաձորի խաղողի այգիներ, Վայոց ձորի մարզ: Բարձրություն՝ 1300-1400 մ, խաղողի վազերի միջին տարիք՝ 40:

Մարանի պատմությունը սկսվել է 1829–1830 թվականներին, երբ Մարան տատն իր ընտանիքի հետ Պարսկաստանից ներգաղթում է Հայաստան՝ Վայոց ձորի մարզ։ 1860 թվականին Մարանի որդին՝ Հարությունը, Արտաբույնք գյուղում խաղողի այգի է տնկում՝ այն անվանելով Մարանի խաղողի այգի՝ ի պատիվ իր մոր։ Երեք տարի անց հիմնվում է Մարան գինեգործարանը։