Գինին ունի վառ հագեցած ռուբինագույն երանգ՝ մանուշակագույն արտացոլումներով։ Բույրը հարուստ է կեռասի, հասուն սալորի, թզի, մանուշակի, չոր ծխախոտի նոտաներով և դառը շոկոլադի նրբերանգներով։ Այս գինին աչքի է ընկնում չոր, նուրբ և ներդաշնակ հավասարակշռությամբ ու մարմնեղությամբ։ Հարուստ համում զգալի են վայրի հատապտուղներ, ծխախոտ և էկզոտիկ համեմունքներ, որոնք հետհամում փոխարինվում են փափուկ, մետաքսե տանիններով։

Գինին հիանալի համադրվում է մսային ուտեստների, ավանդական գյուղական սննդի և հասուն պանիրների հետ:

Ձեռքով հավաքված խաղողը մանրացնում են ու խմորում՝ պահպանելով խաղողի թարմությունը։ Նախախմորումը տևում է 5 օր, իսկ մացերացիան՝ մոտ 20 օր: Գինին 4 ամիս պահվում է սառը մառանում, մինչ  «ռիպասո» գործընթացը, որն իրենից ենթադրում է 20 օրվա խմորում Amarone-ի խմորումից մնացած, մամլված ու չորացված  խաղողի հետ, ինչը գինուն հաղորդում է գույն, բույր և ինտենսիվ մրգային համ:

Գինին 18 ամիս հնացվում է կաղնեփայտե տակառներում:

Valpolicella Ripasso Superiore-ն ամենահայտնի Zonin գինիներից է: Գինին բազմիցս արժանացել է մեդալների գինու հայտնի մրցույթներում և հանդիսանում է որակի խորհրդանիշ։

Zonin-ն աշխարհահռչակ իտալացի գինեգործների պատմական ընտանիք է, որն արդեն 7 սերունդ է զբաղվում է գինու արտադրությամբ՝ սկսած 1821 թվականից: Ընկերության գինիները ներկայացված են աշխարհի 89 երկրների շուկաներում։