Գինին ունի վառ դեղին երանգ։ Ինտենսիվ, անուշ բույրում զգալի են ծաղկային ու մեղրային ակնարկներ,  կոճապղպեղի ու լիչիի ծաղիկների նոտաներ։ Մարմնեղ ու հարուստ գինի է՝ չոր, բայց վառ ու հաճելի  թթվայնությամբ։ 

Շատ լավ է համադրվում չինական և թայլանդական խոհանոցի, հնդկական կրեմային ուտեստների, բադի մսի, ֆուա-գրայի, լոբստերի, օմարի կամ խեցգետնի, ինչպես նաև կապույտ պանիրների, օրինակ՝ գորգոնզոլայի հետ:

Հավաքված խաղողի հատիկները ճզմվում են, անցնում սառը ֆիլտրացիա: Խմորվումը տեղի է ունենում չժանգոտվող պողպատե պահամաններում` 18°C ջերմաստիճանում:

Գինին 12 ամիս հնացվում է նստվածքի վրա։ Հնացումն ավարտվում է 6 ամիս շշում պահվելուց հետո:

Խաղողի այգիները գտնվում են 450-550 մ բարձրությունների վրա: Հողը խճային, ավազոտ և որոշ հատվածներում կավային է՝ կալցիումի կարբոնատային նստվածքներով:

«Լաֆոա»-ն խաղողի այգու անվանումն է, որը գտնվում է Կոլտերենցիո և Կորնայանո գյուղերի միջև` ծովի մակարդակից 430 մ բարձրության վրա գտնվող բլրի վրա:

Հարավային Տիրոլի գինեգործության առաջամարտիկներից Colterenzio-ն հիմնվել է 1960 թվականին և այսօր բաղկացած է 290 անդամներից։ 1980 թվականին ընկերության տնօրեն Լուիս Ռայֆեռը նոր մոտեցումներ մտցրեց իտալական գինեգործության մեջ․ նա սկսեց սպիտակ խաղողի խմորումն ու կարմիրի հնացումը անցկացնել տակառներում։ Իտալիայում քչերը կարող են համեմատվել այս ընկերության հետ գինիների ոճի և որակի բազմազանությամբ: Իմանալ ավելին