Սպիտակ գինին ունի ծաղկային բույր: Զգացվում են ակացիայի, եղեսպակի և մրգային անուշահոտ երանգները: Ավարտը փխրուն է՝ կաղնու թեթև համեմունքներով:

Գինին գերազանց ապերիտիվ է, ինչպես նաև հրաշալի համադրվում է այծի պանրի, ձկան և ծովամթերքի հետ:

Հասած խաղողի ողկույզները ճզմվում են, թրջվում և սեղմվում: Գինանյութի մի մասը խմորվում է չժանգոտվող պողպատե պահամաններում, իսկ մյուսը՝ կաղնեփայտե տակառներում և բարիկաներում: Գինու միայն մի մասն է անցնում մալոլակտիկ խմորում։

8 ամիս հնացվում է իր նստվածքում:

«Լաֆոա»-ն խաղողի այգու անվանում է, որը գտնվում է Կոլտերենցիո և Կորնայանո գյուղերի միջև գտնվող բլրի վրա` ծովի մակարդակից 430 մ բարձրության վրա։

Խաղողի այգիները տեղակայված են ավազային նստվածքով հողում: Դրանք գտնվում են արևոտ դիրքում:

Հարավային Տիրոլի գինեգործության առաջամարտիկներից Colterenzio-ն հիմնվել է 1960 թվականին և այսօր բաղկացած է 290 անդամներից։ 1980 թվականին ընկերության տնօրեն Լուիս Ռայֆեռը նոր մոտեցումներ մտցրեց իտալական գինեգործության մեջ․ նա սկսեց սպիտակ խաղողի խմորումն ու կարմիրի հնացումը անցկացնել տակառներում։ Իտալիայում քչերը կարող են համեմատվել այս ընկերության հետ գինիների ոճի և որակի բազմազանությամբ: Իմանալ ավելին