Փայլուն, բյուրեղյա Պրոսեկկոյի բույրն արտահայտված է դեղին խնձորի, հասմիկի ու ակացիայի մեղրի նրբերանգներով: Քիմքին հավասարակշռված է, քաղցր և թարմ՝ կայուն հետհամով:

Պրոսեկկոն համադրվում է թեթևակի կծու և անուշաբույր ֆյուժն խոհանոցի նուրբ ուտեստների հետ, ինչպես նաև ավանդական աղանդերի հետ, ինչպիսիք են Tiramisù-ն կամ Panettone-ը:

Խաղողը հավաքում են օրգանական խաղողի այգիներից բացառապես ձեռքով և ենթարկում փափուկ սառը սեղմման: Խաղողի հյութը պարտադիր պահում են 0°C ջերմաստիճանի ներքո: 2 խմորումները տեղի են ունենում միաժամանակ հատուկ ճնշման տակ գտնվող պահամաններում:

Corvezzo ընտանեկան գինեգործարանը գտնվում է Վենետիկից ոչ այդքան հեռու գտնվող Սեզալտո քաղաքում։ Այնտեղ հողերը միշտ եղել են պարարտ, բերրի և լանդշաֆտների զարմանալի գեղեցկության հետ մեկտեղ գրավել են ինչպես հին հռոմեացիներին, այնպես էլ՝ վենետիկյան ազնվականությանը: Ժամանակին այստեղ վիլլաներ ունեին վենետիկյան կալվածքների ամենահարուստ ներկայացուցիչները, և այդ վիլլաներից մեկը հեղինակավոր Վիլլա Մորոսինան էր, որտեղ 20-րդ դարում ապրում էր Ջուզեպպե Կորվեցոն։ 1960 թվականին նրա որդին՝ Ջովաննին, այստեղ հիմնեց գինեգործարան՝ ի վերջո կառավարման ղեկը տալով իր թոռներին՝ Ջուզեպպեին և Ռենցոյին: Գինեգործարանի տարածքը մեծացավ՝ հասնելով 140 հեկտարի, իսկ Ռենցո Կորվեցոյի ղեկավարության ընթացքում ընկերության համար զարգացման նոր փուլ սկսվեց:  Իմանալ ավելին