Աբրաու-Դյուրսո Բրյուտ

Գինին մուգ ոսկեգույն է: Համում և բույրում կարելի է որսալ ծաղկային և մրգային թարմ ու զովացնող ելևէջներ: Հետհամը երկարավուն է:

Կարելի է մատուցել որպես ապերիտիվ կամ զուգակցվել ծովամթերքի, աղցանների և թարթերի հետ։ 

Այս փրփրունը արտադրվում է հատընտիր խաղողից իտալական Charmat տեխնոլոգիայով և այլընտրանք է եվրոպական փրփրուն գինիներին: 

Abrau Durso փրփրուն գինիների փառահեղ պատմությունը սկսվել է 1870 թ.-ին, երբ Կայսր Ալեքսանդր II-ի հրամանագրով Աբրաու լճի և Դյուրսո գետակի գեղատեսիլ լանջերին հայտնաբերված բացառիկ տերուարում ֆրանսիացի մասնագետների մասնակցությամբ ստեղծվեց գինեգործական կալվածքը: 20-րդ դարի սկզբին՝ ցարական ժամանակաշրջանում, ընկերության գլխավոր գինեգործն է դառնում աշխարհահռչակ Վիկտոր Դրավինյին (Victor Dravigny), ում օրոք Abrau Durso -ն հասնում է փառքի գագաթնակետին, և դառնում կայսերական սեղանի անբաժան խմիչքը: Այսօր ընկերությունը փրփրուն գինիների վաճառքների ծավալով առաջինն է Ռուսաստանում, ինչը հաստատում է Abrau-Durso-ի անփոփոխ որակն ու համը։ Լեգենդար գինու տունը ոչ միայն պահպանել է իր հարուստ ժառանգությունը, այլև դարձել չափազանց գրավիչ վայր՝ գինեսերների և գաստրոտուրիզմի երկրպագուների համար: