Գինին ունի դեղնա-կանաչավուն երանգ: Բույրի մեջ գերակշռում են  հանքային և ցիտրուսային ելևեջներ։ Հյութեղ ու էլեգանտ համը լի է չրերի, ընդեղենի և միներալների արտահայտիչ նոտաներով։

Հաճելիորեն զուգակցվում է ձկնային և մսային ուտեստների, թռչնամսի և պանիրների հետ:

Խաղողի այգիներում աշխատանքները կատարվում են հաշվի առնելով օրգանական խաղողագործության սկզբունքները` առանց թունաքիմիկատների օգտագործման։ Խմորումն ու նստվածքի վրա հնացումը տեղի են ունենում չժանգոտվող պողպատե պահամաններում:

Ըստ 1980 թ․ Վախաույում ստեղծված գինիների դասակարգման հատուկ համակարգի՝ չոր սպիտակ գինիները (Vinea Wachau) բաժանված են 3 կատեգորիայի, որոնք տարբերվում են ոճով, ալկոհոլի պարունակությամբ և որակով: Smaragd-ը այս համակարգում ամենաբարձր կատեգորիան է։ Smaragd թարգմանաբար նշանակում է «զմրուխտ», ինչը կապված է գինիների այս կատեգորիայի խորհրդանիշ դարձած զմրուխտագույն մողեսների հետ։ Smaragd կատեգորիայի գինիները մարմնեղ են և հագեցած՝ 12,5% ալկոհոլի պարունակությամբ։

Հայտնի «Achleiten» խաղողի այգին գտնվում է Վայսենկիրխեն գյուղում և հայտնի է իր յուրահատուկ հանքայնությամբ գինիներով։ 12-րդ դարի քարե պատերը շրջապատում են լանջերի վրա սփռված սիլիկատային հողերով հարուստ խաղողի այգին։  

Domane Wachau ընկերությունը գտնվում է Ավստրիայի ամենահայտնի գինեգործական շրջաններից մեկի՝ Վախաու հովտի հենց սրտում։ Այժմ ընկերությանն են պատկանում Վախաու հովտի խաղողի այգիների 30%-ը` ավելի քան 400 հա տարածք։ Գինեգործարանն արտադրում է տարբեր ոճերի՝ թեթև մրգայինից մինչև բարդ գինիներ, որոնք ունեն հնացման մեծ պոտենցիալ: