Գինին ունի ծղոտե-դեղնավուն գույն։ Բույրը հարուստ է հասած տանձի, գրեյպֆրուտի երանգներով, որին հաջորդում են անանուխի և մեղրի նյուանսները: Համում նկատելի են փայտային նոտաներ և ալոճենու ծաղկային նրբերանգներ։ Երկարատև հետհամում կարելի է որսալ թարմ թթվային և հանքային ակնարկներ:

Իդեալականորեն համադրվում է խորոված ծովամթերքի, նապաստակի մսի և միջին հնության պանիրների հետ:

"Campanaro" գինու արտադրության համար խաղողը հավաքվում է ձեռքով, հոկտեմբերի երկրորդ կեսին։ Այնուհետև բերքը մշակվում է փափուկ մամլիչով։ Գինու խմորումը տեղի է ունենում չժանգոտվող պողպատե պահամաններում՝ 16-18 °C  ջերմաստիճանում։

Գինին հնացվում է նստվածքի վրա, կաղնե մեծ տակառներում շուրջ 6 ամիս։ 

Խաղողի այգիները գտնվում են Իրպինիայում՝ ծովի մակարդակից 350-ից 700 մետր բարձրության վրա։ 

Campanaro գինին ստեղծված է Կամպանիա տարածաշրջանի խաղողի լավագույն սորտերից՝ Greco-ից, որը բառացիորեն թարգմանվում է «հունական», և հիանալի Fiano-ից: Այս երկու սորտերի ներդաշնակ համադրությունը «Campanaro»-ին տալիս է յուրահատուկ համ՝ փափուկ և մետաքսանման։ Greco di Tufo սորտը հին ժամանակներում հայտնի էր որպես Aminea խաղողի ենթատեսակ: 

1986 թվականին հիմնադրված Feudi di San Gregorio գինեգործարանը դարձել է Հարավային Իտալիայի գինիների և գինու մշակույթի վերածննդի խորհրդանիշ: Այսօր գինեգործարանը մեծ հեղինակություն է ձեռք բերել ողջ աշխարհում՝ որպես Իտալիայի առավել դինամիկ զարգացող ընկերություններից մեկը՝ կենտրոնանալով գինիների որակի, վայրի-բնական խմորման և նորարարական տեխնոլոգիաների կիրառման վրա: Իմանալ ավելին