Լուի Ժադո, Կլո Վուժո Գրան Կրյու 2013

Գինին ունի խորը ռուբինագույն երանգ։ Հարուստ ու բարդ բույրը լի է կարմիր ու սև հատապտուղների, մենթոլի, խոտաբույսերով թեյի, հողի, կակաոյի, ծխի ու նուրբ ծաղիկների երանգներով։ Քիմքին ինտենսիվ է ու ուժեղ՝ վառ, բայց ոչ շատ տհաճ տանիններով։ Համում զգալի են դառնավուն բալի, միներալների երանգներ։ Հետհամը կծվոտ է ու բավականին երկար։ 

Գինին հիանալի է համադրվում կարմիր մսի, որսի մսի ու հասուն պանիրների հետ։

Խմորումն անցնում է չժանգոտվող պողպատե պահամաններում՝ 3-4 շաբաթվա ընթացքում։

Գինին 18 ամիս հնացվում է կաղնեփայտե տակառներում։ 

Վուժո գյուղը գտնվում է Կոտ դե Նյուիի հենց սրտում։ Վուժոյի խաղողի այգիները զբաղեցնում են 50 հա տարածք՝ արևելյան տեղադրությամբ։ Վերևի լանջերին գտնվող այգիներում ընդերքը կավային և կավճային է, իսկ ներքևի՝ ավելի խոնավ տարածքում՝ հումուսով հարուստ և քարերի ավելի քիչ պարունակությամբ: Այստեղ Louis Jadot-ին են պատկանում 2 հա այգիներ։

1859 թ. հիմնադրված Maison Louis Jadot-ը Բուրգունդիայի ամենահայտնի գինեգործական ընկերություններից մեկն է։ Maison Louis Jadot-ը մշակում է ավելի քան 154 հեկտար խաղողի այգի Բուրգունդիայում՝ ուշադրություն դարձնելով յուրաքանչյուր բուրգունդական ապելասիոնի կարևորությանը` Grand Cru-ից մինչև տարածաշրջանային գինիներ: Գինեգործարանի բոլոր գինիների շշի պիտակը զարդարում է գինու դիցաբանական աստված Վակխի գլուխը։