Ֆրեսկոբալդի Նիպոցանո Մոնտեսոդի

Ռուբինագույն գինու համային պալետում գերակշռում են կարմիր մրգերի և հատապտուղների նոտաները՝ հաղարջ, վայրի ելակ: Մրգային երանգները հավասարակշռվում են ծաղկային և բալզամիկի թթվային ակնարկներով: Շնորհիվ օգտագործվող խաղողի տեսակի՝ հագեցած է տանիններով: Բարդ կառուցվածքով այս գինին ունի կայուն և երկար հետհամ:

Գինու համային երանգները հիանալիորեն բացվում են հատկապես մսային ուտեստների հետ համադրելիս՝ որսի, խոզի, կարմիր միս: Ինչպես նաև կարելի է վայելել հասուն պանիրների հետ:

Խաղողը հավաքվում է ձեռքով, որպեսզի ընտրվեն իդեալական հասունության ողկույզները: Խմորումը տեղի է ունենում ստանդարտ եղանակով, որին անմիջապես հաջորդում է մալոլակտիկ ֆերմենտացիան:

Օգտագործվում են ավստրիական և ֆրանսիական կաղնե տակառներ: Հնացումը տակառներում տևում է 18 ամիս, որից հետո գինին ևս մի քանի ամիս հասունանում է շշում՝ մինչև թողարկումը:

Castello di Nipozzano-ի խաղողի այգիները գտնվում են ծովի մակարդակից 250-ից 500 մետր բարձրության վրա և զբաղեցնում են 250 հեկտար՝ հարավարևելյան ուղղությամբ: Հողերը չոր են, քարքարոտ, կավե կրաքարային, լավ ցամաքեցված։

Montesodi գինին արտադրվում է 1974 թվականից: Խաղողը հավաքվում է 1700-ականներից ի վեր Ֆրեսկոբալդիների ընտանիքին պատկանող խաղողի այգուց:

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: