Այս կարմիր-նարնջագույն գինու անուշահոտ բույրի մեջ կարելի է զգալ վարդի, վայրի հատապտուղների, անանուխի և համեմունքների գայթակղիչ ակնարկներ: Համը հյութեղ է, կլորավուն, թավշյա, ուժեղ կառուցվածքով: Կարմիր բալի, ազնվամորու, մեխակի և խոտաբույսերի խիտ նոտաները միաձուլվում են պայծառ թթվայնության հետ:

Գինին իդեալական է համադրվում կարմիր մսի և պանիրների հետ (հասուն և միջին տարիքի): 

Խմորումը տեղի է ունենում չժանգոտվող պողպատե պահամաններում՝ 28°C ջերմաստիճանում։

Առաջին տարում Բարոլոն հնացվում է ֆրանսիական Allier կաղնու փոքր տակառներում, այնուհետև՝ երկու տարի 2000լ ծավալով ֆրանսիական տակառներում: Շշալցումից հետո գինին առնվազն 12 ամիս հնանում է շշում։

Բնորոշ գծավոր պիտակներով The Stripes գինիների շարքը Fontanafredda-ն ստեղծել է Պիեմոնտից գինիների ամենալայն տեսականին թողարկելու համար: 

Նեբիոլլոյի աճեցման մեջ կարևոր դեր են խաղում հարավային և հարավարևտմյան էքսպոզիցիայով այգիներն ու յուրահատուկ տերուարը։ Խաղողի այգիներում ընդերքը հարուստ է կրաքարով, մոխրագույն մարմարով և ավազով:  

Fontanafredda (իտալերենից թարգմանաբար՝ «սառը աղբյուր») գեղեցիկ անունով ապրանքանիշը ունի ծագման անսովոր ռոմանտիկ պատմություն: Սա իտալացի թագավոր Վիտորիո Էմանուելե Երկրորդի և դքսուհի Ռոզա Միրաֆիորիի սիրո պատմությունն է: Այժմ ընկերությունն արտադրում է Պիեմոնտի լավագույն գինիների լայն տեսականի, որոնք ներառվում են լավագույն ռեստորանների գինու ցուցակներում և պարբերաբար բարձր գնահատականներ ստանում գինու քննադատներից: Միջազգային ճանաչում ունեցող Ռոբերտ Պարկերը Ֆոնտանաֆրեդան անվանում է «Պիեմոնտի գինեգործության մեծ անուններից մեկը»:  Իմանալ ավելին