Faunae 2021-ն ունի նռնագույն կարմիր երանգ և բնորոշ բուկետ, որտեղ ծաղկային և մրգային նոտաները ներդաշնակորեն միահյուսված են։ Կարմիր և սև հատապտուղների երանգները, որոնց հաջորդում են մանուշակի և վարդի հստակ զանազանելի նոտաները, ուղեկցվում են նուրբ համեմունքային երանգով։ Համը թարմ է, համեղ, տանիններով, որոնք ժամանակի ընթացքում դառնում են ավելի նուրբ։

Իտալիա, Տոսկանա

Castello di Nipozzano-ի խաղողի այգիները գտնվում են ծովի մակարդակից 280-ից 330 մետր բարձրության վրա և զբաղեցնում են 250 հեկտար՝ հարավարևելյան ուղղությամբ: Հողերը չոր են, քարքարոտ, կավե կրաքարային, լավ ցամաքեցված։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: