Մուգ ռուբինագույն այս գինու բույրի մեջ զգալի են համեմունքների, կարմիր հատապտուղների և փայտի նրբերանգներ: Քիմքին կլորավուն է՝ թավշյա տանիններով, ազնվամորու, մոշի և վանիլի բույրերով: Շնորհիվ աննշան թթվայնության ու մեղմ տանինների՝ ունի պահպանման մեծ պոտենցիալ:  

Հոյակապ համադրվում է որսի մսի, կարմիր մսի և հնացված պանիրների հետ:

Ձեռքով հավաքված խաղողը մանրակրկիտ տեսակավորվում է և մոտավորապես 3 շաբաթ խմորվում չժանգոտվող պողպատե պահամաններում:

36 ամիս հնացում կաղնեփայտե տակառներում, որոնց 50%-ը լրիվ նոր է:

Այս դասական գինին արտացոլում է Côte-Rôtie տարածաշրջանի գինիների էլեգանտությունն ու ողջ հմայքը:

Խաղողի մի մասն աճում է Côte-Blonde տարծաշրջանի (ապելասիոնի) սիլիկատա-կրաքարային հողերի վրա, որոնք հարուստ են գրանիտի շերտով։ Խաղողի մյուս մասն աճում է Côte-Brune տարծաշրջանի՝ (ապելասիոնի) երկաթով լի հողերում: Վազերի միջին տարիքը 35 տարեկան է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: