12,900 ֏

Մուգ կարմիր լիկյորի բույրն արտահայտված է թարմ ցիտրուսային երանգներով՝ համադրված անիսոնի, գիհու, հիլի, ճանդանի, եղեսպակի, նարդոսի, անանուխի, դարչինի և վանիլի նոտաներին: Ապերիտվի համում նկատվում են ցիտրուսային մրգերի նրբերանգներ (մանդարին, գրեյպֆրուտ, քաղցր և դառը նարինջ) ու թույլ կծու նյուանսներ:

Լիկյորը իդեալական է որպես ապերիտիվ՝ ինքն իրենով կամ սառույցով:

"Galliano" L'Aperitivo-ն համեղ, դառնաքաղցր ապերիտիվ է՝ ստեղծված յուրահատուկ բաղադրատոմսով, որը ներառում է միջերկրածովյան ցիտրուսային մրգերի բազմաթիվ էքստրակտներ և թուրմեր՝ նարինջ, բերգամոտ, դառը նարինջ, կինոտտո, մանդարին, գրեյպֆրուտ: Ցիտրուսային մրգերի այս թարմ խառնուրդն է առանձնացնում Գալլիանոյի ապերիտիվը։ 

"Galliano" լիկյորը ստեղծվել է հայտնի իտալացի վարպետ թորող Արտուրո Վակկարիի կողմից դեռևս 1896 թվականին Լիվոռնո քաղաքում (Տոսկանա): Այս բուսական լիկյորն անվանվել է այդ ժամանակաշրջանում ազգային հերոս Ջուզեպպե Գալիանոյի պատվին, ով հայտնի է դարձել 1895-1896 թվականների Առաջին իտալա-եթովպական պատերազմում։ Ստեղծելով "Galliano" լիկյորը՝ Արտուրոն ցանկացել է փոխանցել իր երկրի հարստությունը, շքեղությունը, գեղարվեստական ​​փայլն ու զգայականությունը: Ներկայումս Galliano-ի շարքը բաղկացած է հինգ սուպեր պրեմիում լիկյորներից:

''Lucas Bols'' ընկերության պատմությունն սկսվել է դեռևս 1575 թվականին, երբ Բոլսի ընտանիքը ժամանեց Ամստերդամ և հիմնեց գինեգործարան, որն ի սկզբանե կոչվում էր het Lootsje, որտեղ թորում էին լիկյորներ, ինչպես նաև գենեվերներ 1664 թվականից։ Սա մեկնարկային կետն էր, որը դարձավ աշխարհի ամենահին թորած ոգելից խմիչքների ապրանքանիշը: 1652 թվականին ծնվեց Լուկաս Բոլսը։ Նա ազդեցիկ գործարար էր, որն ապրում էր այնպիսի ոսկեդարյան ժամանակաշրջանում, երբ Ամստերդամն աշխարհի խոշոր առևտրային քաղաքն էր: Լուկաս Բոլսին հաջողվեց Bols-ը վերածել միջազգային ապրանքանիշի և ընդլայնել լիկյորների տեսականին: Այսօր Lucas Bols-ը անկախ ընկերություն է, որի ապրանքները վաճառվում են ավելի քան 110 երկրներում, ընկերությանն է պատկանում գուրման կոկտեյլների բաղադրատոմսերի ամենամեծ բազան, որոնցից շատերը պատրաստվում են Bols-ի միջոցով: Իմանալ ավելին