Զուկարդի, Պոլիգոնոս Պարահե Ալտամիրա Մալբեկ

Գինին կարմիր է՝ մանուշակագույն երանգներով: Անուշաբույր փունջն արտահայտված է խոտաբույսերի և կարմիր մրգերի թարմ նոտաներով: Քիմքին փափուկ է՝ կայուն թթվայնությամբ, նուրբ տանինային կառուցվածքով ու երկարատև հետհամով:

Գինին հիանալի համադրվում է մսային ուտեստների, թռչնամսի, որսի մսի և պանիրների հետ:

Ձեռքով բերքահավաքից հետո տեղի է ունենում մացերացիան 25-27°С ջերմաստիճանի ներքո, որին էլ հաջորդում է խմորումը:

Հնացումը տեղի է ունենում ֆրանսիական կաղնե տակառներում:

Polígonos գինիների շարքն իրապես արտացոլում է այն տարածաշրջանի մարդկանց, որտեղից այն ծագում է: Խաղողի այգիները կոչվում են մարդկանց անուններով: Այս տարածաշրջանը աչքի է ընկնում իր հարուստ և խորը աշխարհագրական, կլիմայական, սոցիալական, պատմական և տնտեսական բնութագրիչներով: 

Խաղողի այգիները Մենդոզայի տարածաշրջանում են, գտնվում են ծովի մակարդակից 900-1100 մետր բարձրության վրա և ունեն լավագույն կլիմայական պայմանները:

1800 թվականից Արգենտինայում բնակվող Զուկարդիների ընտանիքը միշտ ակտիվորեն ներգրավված է եղել հողերի բարելավման աշխատանքների մեջ: Այսպիսով Դոն Ալբերտո Զուկարդին 1963 թվականին գնում է հողատարածք՝ սկսելու գինու սեփական արտադրությունը և բոլորին ցույց տալու, որ Արգենտինայի չոր հողերը կարող են զարմանալիորեն փափուկ դառնալ անուշաբույր գինիներ արտադրելու համար: Ներկայումս Zuccardi ընտանիքին են պատկանում 170 հեկտար խաղողի այգիներ։ Ընկերության ղեկավարը՝ Խոսե Ալբերտո Զուկարդին, մեծ պատասխանատվությամբ շարունակում է հոր գործը՝ փորձարկելով խաղողի բազմաթիվ, այդ թվում՝ արտասովոր և հազվագյուտ տեսակներ: Ըստ Խոսե Ալբերտոյի՝ լավ խաղողի այգին գինու հետագա հաջողության գրավականն է: