Գինին փայլուն ոսկեգույն է: Բույրի մեջ զգալի են արքայախնձորի, մանգոյի, կոճապղպեղի և վանիլի երանգներ: Քիմքին կլոր է, յուղալի և թարմացնող՝ նուրբ թթվայնությամբ և հաճելի հետհամով:

Հրաշալի ապերիտիվ է։ Շատ լավ համադրվում է ասիական խոհանոցի, ձկնեղենի և սպիտակ մսով ուտեստների հետ:

Մեխանիկական բերքահավաք գիշերը` թարմությունը պահպանելու համար: Խաղողն անցել է սառը մացերացիա, հետո սեղմվել և ցրտակարգավորվել խմորումից առաջ: Շարդոնեի 30%-ը խմորվել է ֆրանսիական և ամերիկյան կաղնե տակառներում և 6 ամիս մնացել նստվածքի վրա՝ տակառներում:

Գինին 6 ամիս հնացվում է նստվածքի վրա՝ չժանգոտվող պողպատե պահամաններում, ինչպես նաև՝ ամերիկյան և ֆրանսիական կաղնե տակառներում:

Վազերի միջին տարիքը`15 տարի: Խաղողն աճում է կավե և կրաքարե տեռասների վրա։

Le Grand Noir-ը Ֆրանիսայի Լանգեդոկ գինեգործական շրջանի ամենախոշոր ու հայտնի արտադրողներից մեկի՝ Les Celliers Jean d'Alibert գինեգործական ընկերության նախագծերից է։ Les Celliers Jean d'Alibert-ի կազմի մեջ են մտնում Օ-Միներվուա տարածաշրջանի մի քանի կոոպերատիվ, 20 փոքր դոմեն և տարբեր կլիմայական գոտիներում գտնվող մոտ 6000 հա խաղողի այգիներ, որոնցից յուրաքանչյուրն ունի իրեն բնորոշ տերուար։ Ընկերությունն ունի 120 առանձին հատվածների բաժանված մառան, որտեղ կարելի է հնացնել ավելի քան 40.000 հեկտոլիտր գինի: Իմանալ ավելին