Ֆրեսկոբալդի Պերանո Կիանտի Կլասիկո Ռիզերվա

Գինին ռուբինագույն է՝ մանուշակագույն արտացոլանքներով: Բույրի մեջ զգալի են մոշի, ազնվամորու և բալի ակնարկներ, որոնց հաջորդում են պղպեղի թեթև կծու նոտաները: Լավ հավասարակշռված է, քիմքին թավշանման տանիններով և ներդաշնակ կառուցվածքով: Ունի ինտենսիվ և երկարատև հետհամ:

Հրաշալի է տապակած մսի, ճագարի մսի, ինչպես նաև պանիրների հետ համադրելիս:

Բերքահավքն իրականացվում է ձեռքով, որից հետո խաղողը ֆերմենտացվում է խիստ վերահսկվող ջերմաստիճանում՝ պողպատե պահամաններում:

Գինին հնացվում է կաղնե տակառներում երկար ժամանակով՝ նվազագույնը 24 ամիս: Մինչ թողարկումը խմիչքի հնացումը շարունակում է շշերում:

Խաղողի այգիները գտնվում են Գայոլե բլուրների վրա՝ Chianti Classico-ի  լավագույն և առաջին գոտիներից մեկում՝ ծովի մակարդակից 500-600 մ բարձրության վրա։

Ֆրեսկոբալդի ընտանիքը երկար տարիներ ուսումնասիրել է Chianti Classico տարածքը՝ որոնելով կատարյալ տերուար և ընտրել է Tenuta Perano-ն: Խաղողի այգիների յուրահատուկ դասավորությունը բնական ամֆիթատրոնի տեսքով, Սանջովեզեի համար ճիշտ հողը և այգիների լավ լուսավորվածությունը իդեալակա են հարուստ, էլեգանտ և բարդ Chianti Classico-ի ստեղծման համար:

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: