Ինտենսիվ ծղոտե-դեղին LR-ի մրգային փունջն արտահայտված է արևադարձային մրգերի հաճելի, անուշաբույր նոտաներով: Քիմքին մարմնեղ է, բալանսավորված՝ հարուստ կառուցվածքով ու երկարատև հետհամով:

Կարելի է համադրել կապույտ և հնացված պանիրների, սպիտակ մսի և պաստայի հետ։

Chardonnay, Pinot Bianco և Sauvignon Blanc խաղողներից ստացված այս նշանավոր գինին ներկայացված է ոչ ստանդարտ, էլեգանտ փաթեթավորմամբ: LR-ն անցնում է փափուկ տրորման և խմորման միջով:

Սկզբնական շրջանում գինին հնանում է կաղնե տակառներում, որից հետո՝ նախքան վաճառքի դուրս գալը, այն ևս 12 ամիս հնանում է շշերում: 

Bianco Riserva LR-ն Colterenzio գինեգործարանի հեղինակավոր սպիտակ գինին է՝ ոգեշնչված Լուիս Ռայֆերի լեգենդար կերպարից՝ գինեգործարանի հոգուց, որն էլ հաջողության մեծ գրավականն է: LR-ը Լուիս Ռայֆեր անվան սկզբնատառերն են: Ռայֆերը երկար տարիներ եղել է Cantina Colterenzio-ի նախագահն ու գործադիր տնօրենը, ինչպես նաև՝ Ալտո Ադիջեում խաղողագործության խթանման իսկական առաջամարտիկ:

Հատուկ ընտրված խաղողի այգիներ Colterenzio/Cornaiano-ի շրջակայքում՝ 400-550 մ բարձրության վրա:

Հարավային Տիրոլի գինեգործության առաջամարտիկներից Colterenzio-ն հիմնվել է 1960 թվականին և այսօր բաղկացած է 290 անդամներից։ 1980 թվականին ընկերության տնօրեն Լուիս Ռայֆեռը նոր մոտեցումներ մտցրեց իտալական գինեգործության մեջ․ նա սկսեց սպիտակ խաղողի խմորումն ու կարմիրի հնացումը տակառներում։ Իտալիայում քչերը կարող են համեմատվել այս ընկերության հետ գինիների ոճի և որակի բազմազանությամբ: Իմանալ ավելին