7,500 ֏

Խերեսն ունի մուգ ու հագեցած գույն։ Բույրը լի է չամիչի, վանիլի ու փայտային նոտաներով։ Համը թավշյա է՝ քաղցր թզի, կարամելի, չամիչի նրբերանգներով և պնդուկի նուրբ հետհամով։

Խորհուրդ է տրվում մատուցել 10-12 ºC սառեցված՝ գինու փոքր բաժակով։ Իդեալական է որպես ապերիտիվ, լավ է համադրվում պանիրների հետ։ Որպես դեսերտային գինի  հրաշալի է պաղպաղակի կամ մրգային հիմքով աղանդերի և չրերի հետ:

Այս թնդացված գինու արտադրության համար օգտագործվում են երկու տիպի խերեսներ՝ Պալամինո խաղողից ստացված Oloroso տեսակի չոր և Պեդրո Խիմենես խաղողից ստացված Pedro Ximenez տեսակի քաղցր խերեսները։ 

4 տարուց ավելի առանձին հնացումից հետո խաղողի երկու սորտերից ստանում են վերջնական կուպաժ (75% Պոլոմինո և 25% Պոդրո Խիմենես), որը ևս 4 տարի հնացվում է տակառներում ։

Խերես խաղողի այգիները եզակի են այդ տարածքում: Հողը պարունակում է մինչև 60% կավիճ: Տարածքն ունի յուրահատուկ միկրոկլիմա՝ Ատլանտյան օվկիանոսի և Գվադալկիվիր ու Գվադալետե գետերի ազդեցությամբ։

Gonzalez Byass ընկերությունը հիմնադրվել է 1835 թվականին Մանուել Մարիա Գոնսալես Անխելի կողմից, Իսպանիայի Խերես շրջանում։ 23 տարեկանում նա որոշեց իրեն նվիրել խերեսի և սպիրտային խմիչքների արտադրությանն ու վաճառքին։ 1844 թվականին Տիո Պեպեի խերեսի առաջին տակառներն արտահանվեցին Լոնդոն։ «Տիո Պեպե» անունը հարգանքի տուրք է հիմնադրի հորեղբորը՝ Խոսե Անխելին: Այնուհետև, 1855 թվականին, բրիտանացի դիստրիբյուտոր Ռոբերտ Բլեք Բիասը համագործակցեց ընկերության հետ՝ ամրապնդելու իր բիզնես կապերը Բրիտանիայի հետ, որն այդ ժամանակ խերեսի արտահանման հիմնական շուկան էր: Բիաս և Գոնսալես ընտանիքների միջև առևտրային դաշինքը շարունակվեց մինչև 1988 թվականը, երբ Բիասի ընտանիքը դադարեցրեց բիզնեսը և գինեգործարանը անցավ Մանուել Մարիա Գոնսալեսի անմիջական ժառանգներին: Իմանալ ավելին