Պրինչիպի դի Բուտերա Սիմպոզիո

Գինին ունի մուգ կարմրավուն երանգ: Բույրում զգալի են մանր հատապտուղների, շոկոլադի երանգները, որին հաջորդում է բազիլիկի և համեմունքների բույրը: Ունի հարթ տանիններ:

Հիանալի է մսային ճաշատեսակների կամ պաստայի հետ ըմպելու համար:

Խմորումն անցնում է չժանգոտվող պողպատե պահամաններում, 4 շաբաթ։

Գինին 18 ամիս հնացվում է 350 լիտրանոց ֆրանսիական կաղնեփայտե տակառներում։

Ընկերության խաղողի այգիները գտնվում են Կալտանիսետա նահանգում՝ բլուրների վրա։ Տաք հարավային կլիման թույլ է տալիս աճեցնել բարձրորակ, ընտիր խաղող և ստեղծել մեծ պոտենցիալով հիանալի գինիներ: Խաղողի այգիները զբաղեցնում են 320 հա հողատարածք, որից 180 հեկտարը երիտասարդ խաղողի որթատունկերն են։

Feudo Principi di Butera-ն հնագույն պատմություն ունեցող տնտեսություն է, որը ժամանակին պատկանել է Բրանչիֆորտեի և Լանզա դի Սկալեայի արիստոկրատական ​​դինաստիաներին: Ամբրոջո Բրանչիֆորտեն առաջին սիցիլիական կառավարիչն էր, որը նշանակվեց 1543 թվականին։ Իսպանիայի թագավոր Ֆիլիպ II-ը նրան շնորհել է Բուտերայի արքայազնի տիտղոս։ 1895 թվականին տիտղոսն ու հողերն անցան Ջիրոլամո Լանզային։

Zonin-ն աշխարհահռչակ իտալացի գինեգործների պատմական ընտանիք է, որն արդեն 7 սերունդ է զբաղվում է գինու արտադրությամբ՝ սկսած 1821 թվականից: Ընկերության գինիները ներկայացված են աշխարհի 89 երկրների շուկաներում։