Այս նարնջագուգույն-կարմիր գինու բույրի մեջ բացահայտվում են ծաղկային երանգներ ու վարդի ակնարկներ։ Տաք, փափուկ ու թավշանման համը լավ բալանսավորված է՝ երկար ու հաճելի հետհամով։

Հոյակապ ընտրություն է լավ համեմված պաստաների, ինչպես նաև չափավոր հնացված պանիրների հետ վայելելու համար։

Խմորումը տեղի է ունենում չժանգոտվող պողպատե պահամաններում՝ 28°C ջերմաստիճանում։

Առնվազն 8 ամիս գինին հնանում է կաղնու տակառներում:

Բնորոշ գծավոր պիտակներով The Stripes գինիների շարքը Fontanafredda-ն ստեղծել է Պիեմոնտից գինիների ամենալայն տեսականին թողարկելու համար: 

Այս գինու համար օգտագործվող խաղողն աճում է կրաքարով և մոխրագույն ավազով հարուստ հողերի վրա:

Fontanafredda (իտալերենից թարգմանաբար՝ «սառը աղբյուր») գեղեցիկ անունով ապրանքանիշը ունի ծագման անսովոր ռոմանտիկ պատմություն: Սա իտալացի թագավոր Վիտորիո Էմանուելե Երկրորդի և դքսուհի Ռոզա Միրաֆիորիի սիրո պատմությունն է: Այժմ ընկերությունն արտադրում է Պիեմոնտի լավագույն գինիների լայն տեսականի, որոնք ներառվում են լավագույն ռեստորանների գինու ցուցակներում և պարբերաբար բարձր գնահատականներ ստանում գինու քննադատներից: Միջազգային ճանաչում ունեցող Ռոբերտ Պարկերը Ֆոնտանաֆրեդան անվանում է «Պիեմոնտի գինեգործության մեծ անուններից մեկը»:  Իմանալ ավելին