Ռեմի Մարտան Լուի XIII

Կոնյակը ոսկեգույն է՝ կարմրափայտի երանգներով: Բազմաշերտ և յուրահատուկ բույրը կարելի է վայելել մի քանի փուլով: Սկզբում նկատելի են նարգիզի ու հասմիկի ծաղկային նոտաները՝ կարիի, մշկընկույզի և մարակուայի երանգներով: Այնուհետև բուրային փնջին համալրման են գալիս մանուշակի, հիրիկի, արքայախնձորի, էվկալիպտի և ճանդանի նուրբ նոտաները: Առանձնանում է իր հաճելի ծաղկային համով, որում զգալի են նարգիզի ու անմոռուկի երանգները, ինչն էլ իր հերթին ավարտվում է հարուստ և տաք հետհամով:

Կարելի է վայելել ինքն իրենով: Հիանալի համադրվում է սուրճի և սիգարի հետ:

Սպիրտները հնացվում են 40-100 տարի:

Louis XIII-ը պատրաստված է  1200 հատընտիր կոնյակի սպիրտներից՝ 40 - 100 տարեկան, ինչի շնորհիվ էլ խմիչքը ստանում է յուրահատուկ համուհոտ:

Remy Martin Louis XIII-ը ազնվական ծագման բացառիկ կոնյակ է: Այս նրբաճաշակ խմիչքը ստեղծվել է Ֆրանսիայի թագավոր Լուի 13-րդի պատվին: Կոնյակի պատրաստման հիմքում ընկած է Գրան Շամպայն շրջանի հատընտիր խաղողը: Կուպաժի գաղտնիքն արդեն 3-րդ սերնդին է փոխանցվում: Խմիչքը մշտապես բարձր են գնահատել համաշխարհային մշակույթի, քաղաքականության և նորաձևության այնպիսի երևելիներ, ինչպիսիք են դիզայներ Կրիստիան Դիորը, երգիչ Էլթոն Ջոնը: Դե իսկ Մեծ Բրիտանիայի վարչապետ Ուինսթոն Չերչիլն իր հաղթանակը տոնել է Louis XIII-ով: Remy Martin Louis XIII-ը իսկական մարգարիտ է հեղինակավոր կոնյակների շարքում: Լյուդովիկոս XIII- ի ժամանակների ոճով պատրաստված այս բյուրեղապակյա շիշը զարդարված է ոսկեզօծ խցանով:

Remy Martin-ի կոնյակի տան պատմությունը սկսվել է 1724 թվականին։ Ընկերությունը հիմնադրել է հայտնի գինեգործ Ռեմի Մարտինը։ Ընկերությունն աճեցնում է սեփական Ugni Blanc տեսակի խաղողը՝ դրա համար առանձնացնելով 150 հեկտար մեծ տարածք։ Մարտինների ընտանիքում շատ սերունդներ են փոխվել, սակայն նրանցից յուրաքանչյուրը նպաստել է բրենդի զարգացմանն ու առաջխաղացմանը համաշխարհային շուկայում։