Մուգ բալի գույն՝ ռուբինի երանգներով: Բույրը հարուստ է սալորի, մոշի և բալի ակնարկներով, վանիլի, մոկկայի, սև ու վարդագույն պղպեղի նրբերանգներով: Քիմքին փափուկ է, ներդաշնակ՝ հասած կարմիր մրգերի և հատապտուղների, քաղցր համեմունքների նոտաներով, մետաքսանման տանիններով և սրճային հետաքրքիր հետհամով:

Գինին հիանալի համադրվում է տավարի և գառան մսով ուտեստների, խոզի կողային մսի, լազանյայի և հասունացած պանիրների հետ։

Խմորումը տեղի է ունենում չժանգոտվող պողպատե պահամաններում:

Գինին հնացնում են կաղնեփայտե տակառներում՝ 4-7 ամիս:

Գինու անվանումն ու պիտակը արտացոլում են աշխարհագրական մեծ հայտնագործությունների դարաշրջանը, որը Պորտուգալիայի պատմության գլխավոր էջերից մեկն է։ «Silk & Spice» գինին հղում է Մետաքսի ճանապարհի պատմությանը, իսկ հետաքրքիր համեմունքային նրբերանգները հիշեցնում են, որ ժամանակին Մետաքսի ճանապարհը կարևոր առևտրային ուղի էր ոչ միայն մետաքսի, այլև բազմազան համեմունքների տեղափոխման համար:

Պորտուգալական Sogrape Vinhos ընկերությունը հիմնադրվել է 1942 թվականին և կարճ ժամանակաշրջանում դարձել Պորտուգալիայի №1 գինի արտադրող ընկերությունը։ Այժմ ընկերության արտադրած գինիները արտահանվում են աշխարհի ավելի քան 120 երկիր: Ընկերությունն ունի 25 կալվածք և 19 գինեգործարան, իսկ խաղողի այգիների ընդհանուր մակերեսը 1600 հեկտար է: