Էյլին Հարդի Շիրազ

Գինին ունի մուգ մանուշակագույն երանգ։ Բույրի մեջ բացահայտվում են թթի, սև սալորի, սուրճի, անիսի ու դարչինի ակնարկներ, որոնք էլեգանտ կերպով ձուլվում են կաշվի ու հողային բույրերի հետ։ Քիմքին բալանսավորված է ու հագեցած նուրբ տանիններով, իսկ հարուստ համում զգալի են հասած, քաղցր հաղարջի  երանգներ։

Լավ է համադրվում խորոված մսի, բանջարեղենի ու պինդ պանիրների՝ հատկապես Չեդերի հետ։ 

Խմորումը տեղի է ունենում չժանգոտվող պողպատե պահամաններում։

Գինին 18 ամիս հնանում է ֆրանսիական կաղնու տակառներում:

Hardys-ի սուպեր պրեմիում գինիներն անվանակոչվել են Թոմաս Հարդիի կնոջ՝ Eileen Hardy-ի պատվին, ում անվանում էին ավստրալական գինեգործության «Առաջին տիկին»: Էյլինն իր անսպառ եռանդով ու աշխատասիրությամբ հիացնում ու ոգեշնչում էր բոլորին:

Խաղողի վազերի միջին տարիքը՝ 16-26 տարեկան:

Hardys-ի պատմությունը սկսվել է դեռևս 1850 թ.-ին, երբ երկար ծովային ճանապարհորդությունից հետո երիտասարդ անգլիացի Թոմաս Հարդին ոտք դրեց Ավստրալական մայրցամաք։ Մի քանի տարի հետո Հարդին ստեղծեց սեփական գինեգործական բիզնեսը հավանաբար պատկերացում անգամ չունենալով, որ կդառնա «Հարավային Ավստրալիայի գինեգործության հայրը»: Այժմ գինու արտադրության մեջ լավագույն տեխնոլոգիաների կիրառման և խիստ ստանդարտների պահպանման շնորհիվ ընկերությունն արտադրում է հիանալի գինիներ՝ ներառյալ լեգենդար «Nottage Hill», «Eileen Hardy», «William Hardy» շարքերը: Գինու գերազանց որակի մասին են խոսում նաև ստացած բազմաթիվ մրցանակները, որոնցից 54-ը` ոսկի: Hardys-ն ամեն տարի վաճառում է ավելի քան 100 միլիոն շիշ ազնվական ըմպելիք աշխարհի շուրջ 120 երկրներում: