Գինին ունի յուրահատուկ, ինտենսիվ և շողշողացող կարմիր գույն: Բույրը պարուրված է հասմիկի և բերգամոտի ուժեղ ծաղկային նրբերանգներով: ՔԻմքին զգալի են հասած ազնվամորու, մոշի և ցիտրուսի մրգային համեր: Հետհամում նկատվում է թեթև կծվություն, որն ավելի հետաքրքիր է դարձնում այն: Կարելի է նկատել նաև թեյի և վանիլի երանգներ:

Կարելի է ըմպել որսի մսի, պաստայի, ինչպես նաև հասուն պանիրների հետ:

Խաղողի յուրաքանչյուր տեսակ մացերացվում է առանձին՝ 35°C-ից ցածր ջերմաստիճանում, չժանգոտվող պողպատե պահամաններում: Հաջորդիվ նաև իրականացվում է 20-օրյա խմորում կեղևով: Վերջնական փուլը մալոլակտիկ խմորումն է:

Հնացման համար կիրառվում են հին և նոր կաղնե տակառներ, որոնցում գինին մնում է 24 ամիս: Դրան հաջորդում է ևս 6 ամիս հնացումը շշերում:

Castello di Nipozzano-ի խաղողի այգիները գտնվում են ծովի մակարդակից 280-ից 330 մետր բարձրության վրա և զբաղեցնում են 250 հեկտար՝ հարավարևելյան ուղղությամբ: Հողերը չոր են, քարքարոտ, կավե կրաքարային, լավ ցամաքեցված։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: Իմանալ ավելին