Գինին վառ ծղոտագույն է՝ դեղնավուն երանգներով: Թարմ բույրում մրգային նոտաները համադրված են վայրի ծաղիկների ու անանուխի նրբերանգների հետ: Քիմքին հարթ է, ներդաշնակ՝ հաճելի մրգային նյուանսներով:

Հիանալի համադրվում է ծովամթերային և բանջարեղենային ուտեստների հետ:

Խմորում չժանգոտվող պողպատե պահամաններում՝ 14-16°C ջերմաստիճանում:

2 ամիս հնացում պահամաններում, որից հետո՝ մինչ թողարկումը, կրկին 3 ամիս՝ շշի մեջ:

Գրիլլոն հնագույն սիցիլիական խաղողի սորտ է, բայց այն նաև փոքրիկ թռչնի անվանում է (ծղրիդ), որը հաջողություն է բերում: Պիտակի վրա պատկերված է գարնանային շունչ՝ իր բույրերով և գույներով։ Այնտեղ երևում է Գաբրիելլան (Դոնաֆուգատայի հիմնադիրը, իր ամուսնու՝ Ջակոմոյի հետ): Նա կարծես թռչող աղջիկ լինի, ով ոտաբոբիկ վազում է ծաղիկների և թարմ խոտերի միջով՝ հետևելով ծղրիդների՝ ականջին քաղցր հնչող  դայլայլին. ''SurSur…'':

Ոսկե մեդալ Գերմանիայի ''Berliner Wine Trophy 2021''-ում

Donnafugata իտալերենից թարգմանաբար նշանակում է «փախչող կին»: Կա մի լեգենդ թագուհի Մարիա Կարոլինայի փախուստի մասին, ով փախել է Նեապոլից և ապաստան գտել Սանտա Մարգարիտա Բելիցե հովտի կենտրոնական քաղաքում՝ աստղային երկնքի տակ գտնվող պալատում: Արտադրանքի պիտակների վրա նաև կարելի է նկատել կնոջ՝ քամուց օրորվող մազերը: Donnafugata-ն հիմնադրվել է Սիցիլիայում մի ընտանիքի կողմից, որը խաղողագործության հանդեպ մեծ սիրո շնորհիվ կարողացել է վերափոխել սիցիլիական գինու ոճն ու ընկալումը ողջ աշխարհում: Ջակոմո Ռալլոն՝ որակյալ գինիների արտադրության ավելի քան 170 տարվա փորձ ունեցող ընտանիքի չորրորդ սերունդը, հիմնադրել է Donnafugata-ն 1983 թվականին իր կնոջ՝ Գաբրիելլայի հետ, որը Սիցիլիայում խաղողագործության ռահվիրա էր (ղեկավար): Այսօր նրանց երեխաները՝ Խոսեն և Անտոնիոն, ղեկավարում են ընկերությունը և գերազանցության ձգտող աշխատակիցների ահռելի թիմը։  Իմանալ ավելին