14,900 ֏

Բյուրեղյա մաքուր, թափանցիկ օղի։ Էլեգանտ բույրում զգալի են արևադարձային ու ցիտրուսային մրգերի  նրբերանգներ։ Հարուստ ու հարթ համը լի է գուավայի, մարակուայի և ցիտրուսային մրգերի նոտաներով, իսկ փափուկ հետհամում կարելի է որսալ քաղցրավուն, սերուցքային ակնարկներ։

Օղին հիանալի դիժեստիվ է, ինչպես նաև կատարյալ է տարբեր կոկտեյլներ պատրաստելու համար։

Tito's օղին աշխարհում առաջին քրաֆթային օղին է, որն արտադրվել է Օսթինում, Տեխասի հնագույն թորման արտադրամասերից մեկում: Օղու միկրոթորումն անցնում է հին կուբերում, ինչպես սովորաբար լինում է շոտլանդական վիսկիի կամ ֆրանսիական կոնյակի դեպքում: Այս բավականին աշխատատար և ժամանակատար գործընթացը թույլ է տալիս ստանալ մաքուր օղի՝ առանց ֆենոլների, եթերայուղերի ու օրգանական թթուների։ Tito's-ը պատրաստված է եգիպտացորենից և չի պարունակում գլյուտեն:

Tito's ապրանքանիշի հիմնադիր Բերտ "Տիտո" Բևերիջը Տեխասի Սան Անտոնիո քաղաքից է: Նա ստացել է երկրաբանի կրթություն, աշխատել է նավթային և գազային ընկերություններում, սկզբում Տեխասում, այնուհետև Վենեսուելայում և Կոլումբիայում, բայց որոշ ժամանակ անց հասկացել է, որ ցանկանում է սեփական բիզնեսն ունենալ։ Տիտոն վերադարձել է Օսթին և սկսել անուշաբույր օղի պատրաստել իր ընկերների և ընտանիքի համար՝ որպես նվեր տոների համար: Բայց ընտանեկան խնջույքներից մեկի ժամանակ նրան մոտեցել է մի տղամարդ և հետաքրքրվել արդյոք հենց նա է պատրաստել օղին։ Նա հիացել է օղու համով և խորհուրդ տվել վաճառել շշերի առաջին խմբաքանակը։ Այդ պահից սկսած Բերտը լրջորեն մտածում էր սեփական բիզնես ստեղծելու մասին։ Չնայած որոշ դժվարությունների, 1995 թվականին Բերտը Տեխասում ստացավ տնական օղի արտադրելու առաջին արտոնագիրը։ Այսօր արդեն օղին արտադրվում է , Fifth Generation-ի կողմից որը հիմնադրվել է 1995 թվականին Տեխաս նահանգի Օսթին քաղաքում։