7,900 ֏

Փայլուն, ոսկեգույն-դեղին երանգներով գինին գրավում է Վիոնյեին հատուկ թարմությամբ: Բույրի մեջ զգացվում են սպիտակ ծաղիկներ, ակացիա, ծիրան, դեղձ և արքայախնձոր: Գինին ունի մրգային ու հարուստ համ՝ նուրբ կարագայնությամբ: Լավ բալանսավորված է, էլեգանտ ու ուժեղ, արտահայտիչ համով:

Լավ է համադրվում նախուտեստների, ձկան և ասիական կերակուրների հետ:

Մանրակրկիտ ձեռքով տեսակավորում, նուրբ մամլում և խմորում՝ չժանգոտվող պողպատե պահամաններում 18°C ջերմաստիճանում:

Հնացվում է չժանգոտվող պողպատե պահամաններում: 

Խաղողն աճում է ալուվիալ շերտով, կարմիր կավով ու մանրախճով հարուստ թեք լանջերին: Վազերի միջին տարիքը 40 տարի է, բերքատվությունը՝ 32 Հլ/Հա:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: Իմանալ ավելին