Վանի շրջանում գտնվող Ալյուր գյուղից է սկիզբ առել Մաչանյան ընտանիքի՝ գինու պատրաստման ամենամյա ավանդույթը: Գյուղի անունը պահպանվել է շրջակայքով հոսող Ալլուրիա գետի անվանումից: Ընկերության ղեկավարն է Սամվել Մաչանյանը՝ կրթությամբ ֆինանսիստ, օրգանական գինեգործության գաղափարների սիրահար։ Ընկերությանը պատկանում է 5 հա հողատարածք, որը գտնվում է ծովի մակարդակից 900 մետր բարձրության վրա։ Խաղողի այգիները գտնվում են Արմավիրի մարզում, որտեղ գերակշռում են ավազակավային հողերը։ Առաջին Alluria գինիները արտադրվել են 60 տարեկան վազերի վրա աճող խաղողներից՝ օրգանական խաղողագործության մեթոդներով: Առաջիկա տարիներին ապրանքանիշը նախատեսում է հասնել տարեկան 10000 շշի արտադրական ծավալի։