Ալլուրիա Դը Սփեյշլ N1

Գինին մուգ մանուշակագույն է՝ կարմրավուն երանգներով: Բույրն արտահայտված է մոշի դոշաբի և սև հատապտուղների նոտաներով: Քիմքին բալանսավորված է՝ թավշյա տանիններով և հաճելի, երկարատև հետհամով:

Գինին լավ համադրվում է խորոված կծու մսի, ձկան, բադի և բանջարեղենի հետ:

Այս գինին պատրաստված է 2020 թ.-ի բերքից, ավանդական եղանակով, ինքնաբուխ խմորմամբ՝ առանց կոմերցիոն խմորիչների և սուլֆիտների հավելումների:

Հնացվում է արցախյան կաղնե տակառներում:

Խաղողի այգիները գտնվում են Արմավիրի մարզում, որտեղ գերակշռում են ավազակավային հողերը։

Ալլուրիա Հատուկ N1-ը արտադրվել է սահմանափակ քանակությամբ (2200 շիշ):

Վանի շրջանում գտնվող Ալյուր գյուղից է սկիզբ առել Մաչանյան ընտանիքի՝ գինու պատրաստման ամենամյա ավանդույթը: Ընկերության ղեկավարն է Սամվել Մաչանյանը՝ կրթությամբ ֆինանսիստ, օրգանական գինեգործության գաղափարների սիրահար։ Ընկերությանը պատկանում է 5 հա հողատարածք, որը գտնվում է ծովի մակարդակից 900 մետր բարձրության վրա։