Maison Louis Jadot գինեգործական ընկերությունը հիմնադրվել է 1859 թվականին, սակայն գինեգործարանի հիմնաքարը դրվել է դեռևս 1826 թվականին, երբ Ժադո ընտանիքը ձեռք է բերել Clos de Ursul Bon Premier Cru խաղողի այգիները: Տարիներ անց Louis Jado-ին հաջողվել է ընդլայնել ընկերության արտադրական ծավալները և առաջատար դիրք զբաղեցնել եվրոպական շուկայում:  Մինչ 1985թ․ ընկերության կառավարումը փոխանցվել է սերնդեսերունդ, որից հետո Ժադո ընտանիքը Maison Louis Jadot-ը վաճառել է վաղեմի գործընկեր՝ ամերիկյան Kobrand Corporation-ին: Այսօր Maison Louis Jadot-ը մշակում է ավելի քան 154 հեկտար խաղողի այգիներ Բուրգունդիայում։ Գերազանց որակի գինինիների շնորհիվ՝ ընկերությունը բավականին հայտնի է ինչպես Ֆրանսիայում, այնպես էլ՝ ամբողջ աշխարհում: Maison Louis Jadot-ն ուշադրություն է դարձնում յուրաքանչյուր բուրգունդական ապելասիոնի կարևորությանը` Grand Cru-ից մինչև տարածաշրջանային գինիներ: Բուրգունդիայի տերուարները բազմազան են, և ընկերության նպատակներից մեկն է փոխանցել Բուրգունդիայի իրական ոգին՝ տարատեսակ որակյալ գինիների շնորհիվ։ Հատկանշական է, որ գինեգործարանի բոլոր գինիների շշի պիտակը զարդարում է գինու դիցաբանական աստված Վակխի գլուխը, ինչը ևս մեկ անգամ շեշտում է ընկերության արտադրած բոլոր գինիների որակը՝  հասարակ բուրգունդական գինուց մինչև պրեմիում դասի Grand Cru: