Լիմոնչելլո Վիլա Մասա

Վառ դեղին լիկյորն ունի կիտրոնի հաճելի բույր: Անկրկնելի համում նկատվում են քաղցր նոտաներ՝ համադրված կիտրոնի ակնարկների հետ, որոնք ավարտվում են արտահայտիչ հետհամով: Սառը վիճակում թարմացնող երանգները գերակշռում են քաղցր նյուանսներին:

Ավանդույթի համաձայն՝ Լիմոնչելոն մատուցում են ընթրիքից հետո՝ որպես դիժեստիվ՝ համարելով մարսողությանը խթանող խմիչք։ Խորհուրդ է տրվում Լիմոնչելոյի շիշը պահել սառնարանում։ Այս լիկյորը նաև հիանալի է սառույցի հետ՝ որպես ապերիտիվ, լավ համադրվում է փրփրուն գինու, հանքային ջրի, թարմ հատապտուղների, մրգերի և պաղպաղակի հետ:

Նեապոլիտանական գաստրոնոմիայի խորհրդանիշը՝ լիմոնչելոն, քաղցրահամ լիկյոր է, պատրաստվում է Սորենտո տեսակի կիտրոնի կեղևներից, որոնք, մինչև շաքարի և ջրի ավելացումը, 90 օր պահվում են ալկոհոլի մեջ։

Ըստ պատմության Limoncello լիկյորի արտադրության գաղափարը Sergio Massa-ի գլխում ծագել է տեղի ֆերմերների հետ զրույցից հետո. նրանք բողոքում էին, որ չէին կարողանում վաճառել իրենց կիտրոնները: Ակնհայտ է, որ Սորենտո թերակղզու հիասքանչ կլիմայի շնորհիվ այս հայտնի կիտրոններն աճում էին ամբողջ տարվա ընթացքում, և արդյունքում ֆերմերներն ավելի շատ միրգ էին արտադրում, քան վաճառում: Sergio-ն հասկացավ, որ կարող է տեղական արտադրողներին առաջարկել օգտագործել իրենց արտադրանքը՝ Limoncello լիկյոր պատրաստելու համար, որի ընտանեկան բաղադրատոմսը ստեղծվել է դեռևս 1890 թվականին: Նա դիմում է իր եղբորը՝ Stefano-ին բիզնես սկսելու առաջարկով, ուստի 1991 թվականին հիմնադրվում է Villa Massa ընտանեկան ընկերությունը, որն էլ սկսում է արտադրել հոյակապ Limoncello լիկյորը:

19-րդ դարի վերջին Վիլա Մասայի առաջին այցելուներին առաջարկվում էր Մասա ընտանիքի պարտեզներում աճեցված կիտրոններից պատրաստված լիկյոր: 1991 թվականին, Սորենտո թերակղզու սրտում Սերջո և Ստեֆանո եղբայրները ստեղծեցին Villa Massa ընկերությունը՝ լիմոնչելոն աշխարհին հասանելի դարձնելու նպատակով։ Լիկյորը պատրաստվում է հին բաղադրատոմսով՝ ստեղծված դեռևս 1890 թ.-ին։ Այսօր Villa Massa-ն աշխարհում ամենաշատ վաճառվող լիմոնչելոն է։