ԱրմԱս Ռոզե

Գինին վառ վարդագույն է՝ նռնագույն երանգներով: Հաճելի բույրում հասած կարմիր մրգերի և հատապտուղների նոտաները համադրվում են վարդի թերթիկների նրբերանգների հետ: Քիմքին հավասարակշռված է, թարմացնող, փափուկ՝ կարմիր բալի, ելակի, մշկընկույզի, դարչինի, մեխակի, վարդի և մեղրի նյուանսներով ու երկարատև, կայուն հետհամով:

Գինին իդեալական է որպես ապերիտիվ, հիանալի համադրվում է թարմ աղցանների, մսային և կծու ուտեստների, մրգերի և պանիրների հետ:

Խաղողի այգիները գտնվում են ծովի մակարդակից 900-1400 մետր բարձրության վրա:

Գովեստի մեդալ - Decanter World Wine Awards 2015, Բրոնզե մեդալ - Decanter World Wine Awards 2014, Արծաթե մեդալ - Premium Rose Dry Wines “Vyno dienos 2014” International Wine Fair, Ոսկե մեդալ - Guide’s Choice 2017, Արծաթե մեդալ -“Concours Mondial De Bruxelles” Asian Wine & Spirits Competition 2016

«Գոլդեն Գրեյպ ԱրմԱս»-ը հիմնել է հայրենադարձ Արմենակ Ասլանյանը 2007թ.՝ կյանքի կոչելով բոլոր իղձերը, որոնք խարխսված են գերդաստանի, ժառանգության, մշակույթի ու առաջընթացի միահյուսության վրա: Նա համադրել է դրանք անձնական արժեքների ու պատասխանատվության զգացումի հետ, որ ունի որպես հայր, գործարար ու հայ մարդ: Իր դստրերի հետ միասին նա պահպանում է գինեգործության 80-ամյա ընտանեկան ավանդույթը՝ ԱրմԱսը կոչելով իր պապու՝ ընտանեկան գինեգործության հիմնադիր ավագ Արմենակ Ասլանյանի պատվին: Նրա տեսլականն է իր լուման ներդնել Հայաստանի գինեգործական ժառանգության պահպանման ու վերածնման գործում՝ օրեցօր զարգացնելով ԱրմԱս Իստեյթը խաղողագործության ու էնոլոգիայի այս հինավուրց տարածքում: