Գինին ունի վարդագույն երանգ: Համում և հոտում ներդաշնակորեն ձուլվել են սև հաղարջի, սև բալի, ելակի, ցիտրուսի, անիսոնի և համեմունքների գրավիչ ելևէջներ: Միջին մարմնեղության է, լավ բալանսավորված, հաճելի մրգային նյուանսներով ու թարմացնող թթվայնությամբ։

Գինին շատ լավ է համադրում միջերկրածովյան խոհանոցի ուտեստների ու թեթև բանջարեղենային աղցանների հետ։

Խաղողի այգիներում աշխատանքները կատարվում են հաշվի առնելով օրգանական խաղողագործության սկզբունքները` առանց թունաքիմիկատների օգտագործման։ Խմորումն ու նստվածքի վրա հնացումը տեղի են ունենում չժանգոտվող պողպատե պահամաններում։ 

Վախաույում գործում է գինու դասակարգման հատուկ համակարգ, որը ստեղծվել է 1980 թվականին: Չոր սպիտակ գինիները (Vinea Wachau) բաժանված են 3 կատեգորիայի, որոնք տարբերվում են ոճով, ալկոհոլի պարունակությամբ և որակով: Federspiel թարգմանաբար նշանակում է «Բազեի որս»։ Այս մակագրությամբ են բնութագրվում միջին կատեգորիայի 11.5% թնդության գինիները, որոնք էլեգանտ են, ինչպես որսորդական բազեն։

Domane Wachau ընկերությունը գտնվում է Ավստրիայի ամենահայտնի գինեգործական շրջաններից մեկի՝ Վախաու հովտի հենց սրտում։ Այժմ ընկերությանն են պատկանում Վախաու հովտի խաղողի այգիների 30%-ը` ավելի քան 400 հա տարածք։ Գինեգործարանն արտադրում է տարբեր ոճերի՝ թեթև մրգայինից մինչև բարդ գինիներ, որոնք ունեն հնացման մեծ պոտենցիալ: Իմանալ ավելին