12,000 ֏

Գինու ներդաշնակ, հավասարակշռված համուհոտում դեղին խնձորի, սպիտակ ծաղիկների, պնդուկի և վանիլի նրբերանգները հիանալիորեն համադրվում են թարմ հանքանյութերի հետ:

Լավ համադրվում է պանիրների, սպիտակ մսով ուտեստների, ոստրեների և հալիբուտի հետ: Կարելի է վայելել նաև որպես ապերիտիվ կամ նուշի, խնձորի, մանգոյի և ծիրանի հետ:

Գինեգործ Էմիլիո Դել Մեդիկոն մանրակրկիտ ընտրել է այս խաղողը (Ոսկեհատ)՝ խմորելով այն լավագույն ղարաբաղյան և ֆրանսիական կաղնե տակառներում:

10 ամիս հնացում շշալցումից առաջ:

«ԱրմԱս», Ոսկեհատ Ռեզերվը նուրբ չոր սպիտակ գինի է՝ պատրաստված հրաբխային ծագում ունեցող հողերի վրա աճեցված Ոսկեհատ խաղողի սորտից, որն էլ գինու բուրային փնջին հաղորդում է առանձնահատուկ նրբություն և բարդություն: Ոսկեհատն այլ կերպ անվանում են նաև Հայաստանի «ոսկե խաղող», քանի որ մշակման ժամանակ ավելի մանրակրկիտ խնամք է պահանջում, ինչն էլ լիովին արդարացվում է այս տեսակից պատրաստված թեթև, ներդաշնակ և հավասարակշռված գինիներով:

Խաղողի այգիները գտնվում են ծովի մակարդակից 900-1400 մետր բարձրության վրա:

Ոսկե մեդալ - Guide’s Choice 2017, Գրան Պրի - Areni Wine Festival 2015, Արծաթե մեդալ- “Mundus Vini” 2017, Ոսկե մեդալ - Concours Mondial De Bruxelles, Asian Wine & Spirits Competition 2016

«Գոլդեն Գրեյպ ԱրմԱս»-ը հիմնել է հայրենադարձ Արմենակ Ասլանյանը 2007թ.՝ կյանքի կոչելով բոլոր իղձերը, որոնք խարխսված են գերդաստանի, ժառանգության, մշակույթի ու առաջընթացի միահյուսության վրա: Նա համադրել է դրանք անձնական արժեքների ու պատասխանատվության զգացումի հետ, որ ունի որպես հայր, գործարար ու հայ մարդ: Իր դստրերի հետ միասին նա պահպանում է գինեգործության 80-ամյա ընտանեկան ավանդույթը՝ ԱրմԱսը կոչելով իր պապու՝ ընտանեկան գինեգործության հիմնադիր ավագ Արմենակ Ասլանյանի պատվին: Նրա տեսլականն է իր լուման ներդնել Հայաստանի գինեգործական ժառանգության պահպանման ու վերածնման գործում՝ օրեցօր զարգացնելով ԱրմԱս Իստեյթը խաղողագործության ու էնոլոգիայի այս հինավուրց տարածքում: