Կուրվուազյե ՎՍՕՊ

Կոնյակը սաթագույն է՝ կարմրավուն և ոսկե երանգներով։ Ներդաշնակ բույրում զգալի են վանիլի և նուշի հաճելի նոտաներ։ Նրբահամ է՝ կաղնու և էկզոտիկ մրգերի լավ բալանսավորված երանգներով։

Կարելի է ըմպել ինքն իրենով, ինչպես նաև օգտագործել որպես կոկտեյլի բաղադրիչ։

Հնացվում է 4 տարի կաղնու տակառներում։

Courvoisier բրենդի պատմությունը սկսվել է 1809 թվականին, երբ Էմանուել Կուրվուազյեն իր գործընկեր Լուի Գալոայի հետ միասին բացեց իր սեփական գինու առևտրային ընկերությունը Փարիզի արվարձան Բերսիում: 1828 թվականին ընկերությունը՝ հիմնադիրների որդիների՝ Ֆելիքսի և Ժյուլի շնորհիվ հայտնի դարձավ որպես Courvoisier կոնյակի տուն և տեղափոխվեց Կոնյակի շրջանի ժարնակ քաղաք։ Այսօր «Courvoisier» ապրանքանիշը պատկանում է Beam Inc-ին։ Ավելի քան երկու դար ընկերության կուպաժի վարպետները հմտորեն համատեղել են հնագույն ավանդույթներն ու նորարարությունները՝ ստեղծելով բացառիկ կոնյակ, որն այսօր հայտնի է և գնահատված ամբողջ աշխարհում: