Հայն Անտիկ XO

Կոնյակը մուգ սաթագույն է՝ ոսկեգույն երանգներով: Բուրային փնջում գրեյպֆրուտի նոտաները միահյուսվում են վանիլի նրբերանգներին: Քիմքին շքեղ է, բարդ, թավշյա՝ երկարատև հետհամով:

Խորհուրդ է տրվում ըմպել ինքն իրենով կամ համադրել սիգարի հետ:

Սպիրտները հնացվում են լիմուզինյան կաղնե տակառներում, որի շնորհիվ էլ կոնյակը ձեռք է բերում իր հաճելի բույրն ու գերազանց համային երանգները: 

Կոնյակն արտադրվում է ավանդական եղանակով: Խմորումն իրականացվում է նախ խմորիչի, այնուհետև նստվածքի վրա, որպեսզի ստացվի բարդ և հարուստ համուհոտով կոնյակ: Այս կոնյակը ավելի քան 40 սպիրտների խառնուրդ է, որոնց նվազագույն տարիքը 25 է:

Այս կոնյակի արտադրության համար օգտագործվում է HINE-ի սեփական ֆերմայում աճեցված խաղողը, որը գտնվում է հեղինակավոր Grande Champagne շրջանի Բոննի գյուղում։ Տարածքը կազմում է 70 հա։

Antique XO կոնյակը համարվում է Hine ընտանիքի դրոշակակիրը, առաջին անգամ ստեղծվել է Thomas George Hine-ի կողմից 1920 թվականին:

Ոսկե մեդալ - "Wine & Spirits Competition" 2004, 2005թթ., Ոսկե մեդալ - "Vinalies Internationales" 2001թ., "Trophy Cognac" անվանակարգի հաղթող "Vinalies Internationales" 2001թ.:

1791 թվականին երիտասարդ Թոմաս Հայնը լքում է Դորսեթը (Անգլիա) և տեղափոխվում Ֆրանսիա։ Նա բնակության համար ընտրում է Կոնյակ տարածաշրջանը, քանի որ ընտանիքն այնտեղ զբաղվում էր կոնյակի վաճառքով։ Սակայն երիտասարդի բախտը չի բերում. ֆրանսիական հեղափոխության ժամանակ Թոմասը ձերբակալվում է լրտեսության համար և բանտարկվում Ժառնակի ամրոցում, բայց շուտով ազատվում է և ամուսնանում Ֆրանսուա Էլիզաբեթի հետ: Աղջկա հայրը Ժառնակում ուներ սեփական կոնյակի ընկերություն, և շատ շուտով այս բիզնեսը Թոմասի համար վերածվեց սիրելի կարիերայի։ Տարիների ընթացքում նա կոնյակագործության արվեստը հասցրեց նոր բարձունքների՝ շարունակելով զարգացնել բիզնեսը, որը 1822 թվականին ստացավ Thomas Hine & Co անվանումը։ Այսօր Hine-ը հայտնի է ամբողջ աշխարհում իր կոնյակների բացառիկ որակով և կառավարվում է Հայն ընտանիքի 6-րդ սերնդի կողմից: