Մուգ կարմիր գինու հարուստ, վառ բույրում կեռասի, հաղարջի, մոշի և փայտի նյուանսները համադրված են համեմունքների և վանիլի նրբերանգների հետ: Քիմքին կլորավուն է՝ հատապտուղների, հասած սալորի, նռան, շոկոլադի նոտաներով և նուրբ, թավշյա հետհամով:

Խորհուրդ է տրվում մատուցել մսային ուտեստների հետ:

Այս էլեգանտ կարմիր գինին պատրաստվում է 120-ամյա Արենի խաղողի հին վազերից, որոնք աճում են ծովի մակարդակից 1600 մետր բարձրության վրա: Գինին ստեղծելու համար օգտագործվում է կավե ամֆորա, որն անվանվում է «կարաս»:

Հնացվում է հայկական կաղնե տակառներում 12 ամիս:

«Ոսկեվազի Գինու Գործարան»-ը գտնվում է Արագածոտնի մարզի նույնանուն գյուղում: Զարմանահրաշ գեղեցկությամբ օժտված Հայաստանում ամենաբարձր լեռան` Արագածի  մերձակայքը կրում է իր մեջ հայկական քաղաքակրթության զարգացման նախկին ժամանակաշրջանների շերտերը: Գործարանից ընդամենը մի քանի կիլոմետր հեռավորության վրա՝ Քասախի կիրճի եզրին, 5-7-րդ դարերում կառուցված «Բադալի Ժամ» եկեղեցու ավերակներն են: Մոտակայքում հայտնաբերվել են հողի մեջ թաղված կարասի մնացորդներ, որոնց մեջ գինի էին պահում:

Ոսկե մեդալ «Mundus Vini 18-րդ Գինու Միջազգային Մրցույթում» 2016թ., Ոսկե մեդալ Արթուր Սարկիսյանի հեղինակած «Հայաստանի գինիները» ուղեցույցի շրջանակներում անցկացված համտես-մրցույթում, 2016թ., Արծաթե մեդալ “Decanter World Wine Awards” մրցույթում 2017թ., Ոսկե մեդալ և Best of show from Armenia տիտղոս «Mundus Vini Գինու Միջազգային Մրցույթում», 2018թ.:

Ոսկեվազ գինեգործարանը հիմնադրվել է դեռևս 1932 թվականին: Ժամանակակից բոլոր նորարարությունների հետ միասին այն զգուշորեն պահպանել է իր վավերական տարրերի մեծ մասը՝ ներառյալ շենքերը: Այսօր գործարանի տարածքում տարվում են բազմաթիվ շինարարական աշխատանքներ, որպեսզի ստեղծվի նոր, նմանը չունեցող, յուրօրինակ զբոսաշրջային համալիր: Գործարանն իր վերածնունդն ապրեց 2004 թվականին: Այսօր Ոսկեվազը ստեղծում է գինիներ, որոնք արտադրվում են ինչպես ժամանակակից գինեգործական մեթոդներով, այնպես էլ օգտագործելով հին ավանդական կարասները, որոնք ստեղծվել են դեռևս 19-րդ դարավերջին: Պարբերաբար բարելավելով և կատարելագործելով սեփական արտադրության որակը, ինչպես նաև յուրաքանչյուր տարի ընդլայնելով արտադրվող խմիչքի նմուշակազմը` «Ոսկեվազի Գինու Գործարան»-ը կատարում է իր յուրօրինակ ներդրումը գինիների աշխարհում:  Իմանալ ավելին