Գինին ունի խորը, մուգ կարմիր գույն: Հարուստ բույրի մեջ զգացվում են  բալի, ելակի, հապալասի, վանիլի ծաղիկների ու փայտային նուրբ նոտաներ: Մարմնեղ է, լավ բալանսավորված, ընդգծված տանիններով ու թարմացնող թթվայնությամբ: Երկար հետհամում զգալի են ազնվամորու ու համեմունքների երանգներ:

Գինին լավ է համադրվում կարմիր մսի, հատկապես որսի մսի ու պանիրների հետ:

Ձեռքով հավաքված խաղողը մանրակրկիտ տեսակավորվում է և մոտավորապես 3 շաբաթ խմորվում չժանգոտվող պողպատե պահամաններում: 

Ընդերքը հարուստ է կավավազային ու ավազախճային շերտով: Վազերի միջին տարիքը՝ 35 տարի:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: Իմանալ ավելին