Զինզուլա Նեգրոամարո Ռոզատո

Վարդագույն գինու հաճելի բույրը լի է վարդի ծաղկային ակնարկներով՝ համադրված սև բալի և համեմունքների նրբերանգների հետ: Թարմ համում մրգային նոտաները փոխարինվում են թեթև դառը հետհամով:

Խորհուրդ է տրվում ըմպել նախուտեստների, բանջարեղենային, ձկնային ուտեստների հետ: Գինին հիանալի համադրվում է նաև ծովամթերքով կամ բանջարեղենով ռիզոտոյի, ծովախոզուկով սպագետիի, թարմ կամ կծու կերակուրների հետ:

Խմորումը իրականացվում է չժանգոտվող պողպատե պահամաններում՝ շուրջ 4 ամիս, որից հետո գինին կարճ ժամանակահատվածով հնացվում է շշերում:

Արտադրության համար օգտագործվում է Նեգրոամորո սորտը: Այն աճեցվում և մշակվում է Սալենտոյում՝ Իոնյան և Ադրիատիկ ծովերի միջև ընկած ճանապարհին: Յուրահատուկ միջավայր՝ լույսով, քամիներով: Տեղանքում գերակշռում են սպիտակ կրաքարային ժայռերը և Սալենտոյի կարմիր հողը: Բերքահավաքն իրականացվում է սեպտեմբերի կեսին:

Բրենդն իր անունը ստացել է Զինզուլուսան քարանձավից: Zonin ընկերության ամենագեղեցիկ գինեգործարաններից մեկը՝ Masseria Altemura-ն գտնվում է Սալենտո թերակղզու հենց սրտում։ Ընկերությունը զբաղեցնում է 270 հա տարածք, որից 130 հա խաղողի, իսկ 40 հա՝ ձիթենու այգիներ են։ Բարենպաստ աշխարհագրական դիրքն և ծովային քամիները խաղողի աճեցման համար իդեալական պայմաններ են ստեղծում։

Zonin-ն աշխարհահռչակ իտալացի գինեգործների պատմական ընտանիք է, որն արդեն 7 սերունդ է զբաղվում է գինու արտադրությամբ՝ սկսած 1821 թվականից: Ընկերության գինիները ներկայացված են աշխարհի 89 երկրների շուկաներում։