Այս գեղեցիկ նուրբ վարդագույն երանգով գինու բույրը հարուստ է հատապտուղների և ցիտրուսային մրգերի նոտաներով: Քիմիքին թարմացնող է, արտահայտիչ միներալությամբ ու հատապտղային երկար հետհամով։

Իդեալական է ապխտած սաղմոնի, պրոշուտոյի, մսային և ձկնային թեթև նախուտեստների, սպիտակ մսի և ձկան հետ: Լավ է համադրվում նաև ասիական ուտեստների հետ։

Հիանալի գինի ստանալու գաղտնիքը նստվածքի հետ միասին դեկանտացիան է՝ շուրջ 12 ժամ: Խմորումն իրականացվում է պողպատե չժանգոտվող պահամաններում՝ 19°C-ից ցածր ջերմաստիճանում:

Գինին 3 ամիս հնացվում է չժանգոտվող պողպատե պահամաններում։

Խաղողի այգիները գտնվում են Տոսկանա-Մարեմմայի ափամերձ տարածքում։

Alie-ն զգայականության և գեղեցկության խորհրդանիշ ջրահարսի անվանումն է: Ոգեշնչված նրա կերպարից՝ Ֆրեսկոբալդի ընտանիքը ստեղծել է այս էլեգանտ ռոզեն։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: Իմանալ ավելին