Գինին ունի ոսկեգույն-դեղին գույն։ Բույրը բացահայտվում է դեղին խնձորի, խուրմայի, սպիտակ դեղձի ակնարկներով և ծխային ու արևադարձային մրգերի երանգներով։ Հզոր, հյութեղ ու կայուն համում զգալի են հաճելի միներալություն և լավ զգալի թթվայնություն։

Հիանալի է համադրվում լավ համեմված ձկան, սերուցքային սոուսով հավի մսի ու բանջարեղենի հետ։  

8-ժամյա մացերացիայից հետո խաղողահյութը խմորվում և հնացվում է 500-լիտրանոց կաղնեփայտե տակառներում։

Ըստ 1980 թ․ Վախաույում ստեղծված գինիների դասակարգման հատուկ համակարգի՝ չոր սպիտակ գինիները (Vinea Wachau) բաժանված են 3 կատեգորիայի, որոնք տարբերվում են ոճով, ալկոհոլի պարունակությամբ և որակով: Smaragd-ը այս համակարգում ամենաբարձր կատեգորիան է։ Smaragd թարգմանաբար նշանակում է «զմրուխտ», ինչը կապված է գինիների այս կատեգորիայի խորհրդանիշ դարձած զմրուխտագույն մողեսների հետ։ Smaragd կատեգորիայի գինիները մարմնեղ են և հագեցած՝ 12,5% ալկոհոլի պարունակությամբ։

Խաղողի այգիներում աշխատանքները կատարվում են հաշվի առնելով օրգանական խաղողագործության սկզբունքները` առանց թունաքիմիկատների օգտագործման։ Վայսենկիրխենում գտնվող Vorderseiber խաղողի այգին ամենաբարձրն է Վախաույում։  Զով կլիմայի և գնեյսյան ժայռերի շնորհիվ այստեղ ձևավորվել է շատ տիպիկ տերուար։ Խաղողի վազերը մոտավորապես 80 տարեկան են։

Domane Wachau ընկերությունը գտնվում է Ավստրիայի ամենահայտնի գինեգործական շրջաններից մեկի՝ Վախաու հովտի հենց սրտում։ Այժմ ընկերությանն են պատկանում Վախաու հովտի խաղողի այգիների 30%-ը` ավելի քան 400 հա տարածք։ Գինեգործարանն արտադրում է տարբեր ոճերի՝ թեթև մրգայինից մինչև բարդ գինիներ, որոնք ունեն հնացման մեծ պոտենցիալ: