Ֆրեսկոբալդի Ամիրալիա Տեռե Մորե

Գինին ունի փայլուն մուգ կարմիր գույն։ Բույրի մեջ զգալի են հապալասի, մոշի և հաղարջի մուրաբայի բույրեր՝ փայտային երանգներով: Միջին մարմնեղությամբ ու լավ բալանսավորված է՝ հետհամում զգալի տանիններով և հատապտուղների ելևէջներով։

Լավ է համադրվում խորոված մսի, պաստայի և պանրային պիցցայի հետ:

Գինին 12 ամիս հնացվում է 2 և 3 տարեկան ֆրանսիական կաղնեփայտե տակառներում։

55 հա զբաղեցնող խաղողի այգիները գտնվում են ծովի մակերևույթից 300 մ բարձրության վրա՝ կավե կրաքարային, քարքարոտ հողերի վրա՝ հարավ և հարավարևմտյան ուղղությամբ։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում:
Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: