Գինին կարմիր գույնի է՝ նռան երանգներով: Բույրում զգալի են կարմիր հատապտուղների վառ արտահայտված ելևէջներ: Քիմքին մարմնեղ է, քաղցր և հրապուրիչ:

Հիանալի համադրվում է կարմիր մսի, պանիրների և շոկոլադե դեսերտի հետ:

Գինին ենթարկվում է 4-շաբաթյա մացերացիայի, ինչի շնորհիվ ձեռք է բերում մրգային երանգներ:

Հնացվում է 18 ամիս, մասամբ ֆրանսիական տակառներում:

Longchamps Bordeaux Rouge 2016-ը Բորդոյի նուրբ և էլեգանտ գինիներից է: Այս չափազանց մրգային գինու արտադրության հիմքում ընկած է Բորդոյի լավագույն այգիների հատընտիր խաղողը:

Longchamps-ը բարձրորակ ֆրանսիական գինիների ապրանքանիշ է, որը հիմնադրվել է Բորդոյում 1852 թվականին: 2000 թվականին այն վաճառվել է լեգենդար Bardinet ընկերությանը որը հայտնի էր առաջին հայացքից չափազանց տարբեր թվացող բույրեր, համեր և սպիրտներ խառնելով՝ նոր ու հետաքրքիր խմիչքներ ստեղծելու իր տաղանդով։ Հենց նրա շնորհիվ են հայտնվել բազմաթիվ հայտնի բրենդներ։ Բացի այդ, Bardinet-ն առաջիններից էր, ով կարողացավ առևտրային կապեր հաստատել Հին և Նոր աշխարհների միջև, ինչի արդյունքում, օրինակ, Նոր աշխարհի բազմաթիվ էկզոտիկ ալկոհոլային խմիչքներ հայտնվեցին Եվրոպական շուկայում: Այսօր ընկերությունը արտադրանք է արտահանում 110 երկիր։