Բաց վարդագույն գինին ունի հաճելի, բազմաշերտ և հատապտղային բույր: Տպավորիչ, միևնույն ժամանակ թեթև ու թարմ համն արտահայտվում է հատապտղային վառ թթվայնությամբ: Ունի կայուն, չոր հետհամ։

Գինու բարձր թթվայնությունը թույլ է տալիս այն համադրել սպիտակ մսի, կծու ուտեստների, գրիլ արված բանջարեղենի և սալյամիների հետ:

Բերքահավաքից հետո խաղողը խնամքով տեսակավորվում է և 1-3 ժամով ենթարկվում սառը մացերացիայի: Խմորումը տեղի է ունենում չժանգոտվող պողպատե պահամաններում:

«Նորավանք» գինիների շարքը՝ «Մարան» գինեգործարանի առաջին թողարկումը, անվանվել է Վայոց ձորի խաղողի այգիների կողքին գտնվող 13-րդ դարի վանքի անունով։ Այս շարքի առաջին գինին թողարկվել է նորանկախ Հայաստանում, 1991 թվականին: Նորավանք շարքի գինիները հիմնականում թեթև են և չեն հնանում կաղնե տակառներում:

Աղավնաձորի խաղողի այգիներ, Վայոց ձորի մարզ: Բարձրություն՝ 1300-1400 մ, խաղողի վազերի միջին տարիք՝ 40:

Արծաթե մեդալ Concours Mondial Bruxelles 2019-ում:

Մառանի ծագումը սկսվել է 1829–1830 թվականներին, երբ Մարան տատն իր ընտանիքի հետ Պարսկաստանից ներգաղթում է Հայաստան՝ Վայոց ձորի մարզ։ 1860 թվականին Մարանի որդին՝ Հարությունը, Արտաբույնք գյուղում խաղողի այգի է տնկում՝ այն անվանելով Մարանի խաղողի այգի՝ ի պատիվ իր մոր։ Երեք տարի անց հիմնվում է Մարան գինեգործարանը։ Իմանալ ավելին